Որտեղից ՀՀ ոստիկանապետի կնոջը տասնյակ հազարավոր դոլարներ. վերջինս ամուսնուց հարուստ է. ՀԺ

Մարտի 28-ին ՀՀ ոստիկանության պետ Վլադիմիր Գասպարյանը Բարձրաստիճան պաշտոնատար անձանց էթիկայի հանձնաժողով է ներկայացրել իր և իր ընտանիքի անդամների նախորդ տարվա եկամուտների եւ գույքի հայտարարագիրը: Դրա համաձայն՝ Վլադիմիր Գասպարյանի 2017 թ. եկամուտը կազմել է 7,058,916 ՀՀ դրամ: Ամբողջ գումարը գոյացել է «աշխատանքի վարձատրություն և/կամ դրան հավասարեցված այլ վճարումներից»: Այդուհանդերձ, ոստիկանության պետի դրամական միջոցների չափը չի փոխվել: Այն կազմում է 3,000,000 ՀՀ դրամ և 2000 ԱՄՆ դոլար: Գասպարյանի տիկնոջ՝ Սուսաննայի եկամուտները նախորդ տարում կազմել են 3,327,534 ՀՀ դրամ: Այս գումարը ևս ամբողջությամբ գոյացել է «աշխատանքի վարձատրություն և/կամ դրան հավասարեցված այլ վճարումներից»: Սուսաննա Գասպարյանի դրամական միջոցների չափը նախորդ տարում անփոփոխ է մնացել՝ 30,000,000 ՀՀ դրամ, 18,000 ԱՄՆ դոլար և 24,000 եվրո: Գասպարյանի  անչափահաս զավակների հայտարարագրի տվյալները, Հանրային ծառայության օրենքի համաձայն,  հրապարակման ենթակա չեն: Ոստիկանության պետի և նրա տիկնոջ ձեռքբերած և օտարած շարժական և անշարժ գույքի, ձեռքբերած և օտարած արժեթղթերի և այլ ներդրումների, ինչպես նաև ձեռքբերած և օտարած թանկարժեք գույքի վերաբերյալ տվյալներ չկան: Վերջին անգամ Վլադիմիր Գասպարյանը ձեռք բերած և օտարած շարժական գույք է հայտարարագրել 2015 թ. փետրվարի 16-ին ներկայացրած՝ ամուսնուն սեփականության իրավունքով պատկանող գույքի եւ եկամուտների հայտարարագրում: Ըստ դրա 2014 թ. հարկային տարում Սուսաննա Գասպարյանը 15 հազար դրամով ձեռք է բերել ИЖ-2715 և 10 միլիոն դրամով օտարել NISSAN PATROL 5.6 մարդատար ավտոմոբիլային տրանսպորտի միջոց: armtimes.com