Կեմերովոյի «Զիմնյայա վիշնյա» առևտրի կենտրոնի սեփականատեր ընկերության գլխավոր տնօրենը կալանավորվել է

Ria Novosti-ն հայտնում է,որ Կեմերովոյում   «Զիմնյայա վիշնյա» առևտրաժամանցային կենտրոնի սեփականատեր ընկերության՝ «Կեմերովոյի հրուշակեղենի կոմբինատ» ԲԲԸ-ի գլխավոր տնօրեն Յուլյա Բոգդանովան կալանավորվել է : ՌԴ հետաքննչական կոմիտեի ներկայացուցիչ Սվետլանա Պետրոնկոյի փոխանցմամբ՝ Յու. Բոգդանովային նրա աշխատակիցները բազմիցս էին զգուշացրել կենտրոնի հրդեհային անվտանգության համակարգի թերիության մասին, սակայն վերջինս ոչ մի քայլ չէր ձեռնարկել այն բարելավելու ուղղությամբ։ Բոգդանովան ամբողջովին զբաղված էր միայն վարձակալությամբ տարածքներ տալով։ Խուզարկություն է անցկացվել նաև Բոգդանովայի տանը և շուտով վերջինիս դեմ քրեական գործ կհարուցվի ՌԴ Քրեական օրենսգրքի 219 հոդվածի 3-րդ մասով (հակահրդեհային անվտանգության պահանջները խախտելը, որն առաջացրել է 2 և ավելի մարդու մահ)։