«Սա տնտեսական հանցագործություն է. Արծվիկ Մինասյան, ես ձեզ հրավիրում եմ բանավեճի». Տիգրան Եղոյան (ֆերմեր) (video)

Ֆերմեր Տիգրան Եղոյանը արդեն երկար ժամանակ է ահազանգում է, որ Վայոց ձորի Շատին համայնքի հարստություններից Եղեգիս գետն այսօր առվակ է դարձել. «Եղեգիս գետը մեկ ամիս  հետո դառնալու է առվակ, ցամաքելու է: Բնապահպանության նախարարությունից հայտարարում են, որ սակավաջուր է, սակայն կան 19 գործող ՀԷԿ-եր»: Ֆերմերը նշում է, որ Բնապահպանության նախարար Արծվիկ Մինասյանի կողմից ստացել են պաշտոնական նամակ, որտեղ նա հայտարարում է, որ ոչ թե 19 ՀԷԿ է, այլ ընդամենը 6. «Գուցե վեց ՀԷԿ-երը գտնվում են պետռեգիստրի ուշադրության կենտրոնում, մնացածը ստվերում են գործում, որոնց թիկունքում կանգնած են օլիգարխիկ անձնավորություններ»: Ֆերմեր Տիգրան Եղոյանը  բնապահպանության նախարար Արծվիկ Մինասյանին հրավիրեց հեռուստաբանավեճի, նաև՝ Վայոց ձոր՝ տեղում ծանոթանալու, տեսնելու՝ ինչ է կատարվում. «Կատարվում է տնտեսական հանցագործություն»: Մանրամասները՝ տեսանյութում.