«Զատուլինի հայտարարությունը չի նշանակում, որ Ադրբեջանին զենք այլևս չի վաճառվելու ». Գառնիկ Իսագուլյան (video)
Հայելի ակումբում Հայաստանի Հանրապետությունում Արցախի Հանրապետության մշտական ներկայացուցչության խորհրդական-խորհրդատու Գառնիկ Իսագուլյանն, անդրադառնալով Բակո Սահակյանի ԱՄՆ այցին, ևս մեկ անգամ անգամ նշեց, որ այս այցը հերթական այցերից մեկն էր, պարզապես այս անգամ նախագահը մեկնեց ուղիղ Վաշինգտոն. «Այցը բավականին հաջողված էր: Հատկապես Մինսկի խմբի համանախագահող երկրների հետ համագործակցությունում Արցախը փորձում է պահել հավասարակշռություն»: Գառնիկ Իսագուլյանը նշեց, որ ոմանք ուզում են այս այցելությունը համարել աննախադեպ, նշելով, որ շուտով արևմուտքը կճանաչի Արցախի անկախությունը, բայց դա այդպես չէ, Արցախը պահում է բալանսը: Խոսելով ռուս պատգամավորի վերջին հայտարարություններից, բանախոսը կարևորեց, որ պատահական չէ այս ամենի ֆոնին Զատուլինի այցը Հայաստան ու վերջին կարևոր հայտարարությունները. «Զատուլինի հայտարարությունը չի նշանակում, որ ընդհանրապես զենքի վաճառք չի լինելու և պետք է կռահել, թե ինչ կա թաքնված, այն մտքերի տակ, որոնք արտահայտեց վերջինս: Եթե մենք գնանք շուկայական հարաբերությունների ճանապարհով, դա մեզ համար ձեռնտու չի լինի: Հայաստանն ամեն ինչ անում է, որ կարողանա զենք արտադրել» : Առավել մանրամասն՝ տեսանյութում.
Հետևեք մեզ Viber-ում
