Զինծառայողների վճարների վրա ԴԱՀԿ-ն չի կարողանա բռնագանձում տարածել
«Դատական ակտերի հարկադիր կատարման մասին» Հայաստանի Հանրապետության օրենքում լրացումներ կատարելու մասին» Հայաստանի Հանրապետության օրենքի նախագիծըկառավարության այսօրվա նիստում ներկայացրեց ՀՀ պաշտպանության փոխնախարար Արտակ Դավթյանը: Նախագծով սահմանվում է, որ բռնագանձում չի կարող տարածվել պարտադիր զինվորական ծառայություն անցնող շարքային, ինչպես նաև կրտսեր ենթասպայական կազմի զինծառայողների ու ռազմաուսումնական հաստատություններում ու ոստիկանական ուսումնական հաստատություներում սովորող կուրսանտների դրամական ապահովության և «Ես եմ» ծրագրով տրվող պատվո վճարների վրա,ասոաց նախարարը և հավելեց,որ անցած տարվա դեկտեմբերից բոլոր այդ վճարումներն իրականացվում են անկանխիկ միջոցով. «Այդ գումարները նստեցվում է պլաստիկ քարտերի միջոցով, ու ուսումնասիրությունները ցույց են տվել, որ բռնագանձումների ճնշող մեծամասնությունը վերաբերում է տվյալ զինծառայողների կողմից տրված երաշխավորություններին:Նախագիծը քննարկվել է շահագրիգիռ պետական մարմինների հետ, ստացվել են առաջարկություններ, որոնք բոլորն էլ ընդունվել են»,- ասաց նա:
Հետևեք մեզ Viber-ում
