Մանրամասներ.ովքեր են Արցախում տեղի ունեցած պայթյունի հետևանքով զոհերն ու վիրավորները
Արդեն տեղեկացրել ենք,որ այսօր առավոտյան ողբերգական դեպք է տեղի ունեցել Արցախում։ Մարտակերտ քաղաքի տարածքում գտնվող չեզոք գոտում «Նիվա» մակնիշի ավտոմեքենան ականի վրա պայթել է, ինչի հետեւանքով 3 հոգի զոհվել է, կան վիրավորներ։ Արցախի ՊՆ մամուլի քարտուղար Սենոր Հասրաթյանը մեզ հետ զրույցում ասաց․ «Դեպքը բանակի հետ կապ չունի։ Զոհվածները միջազգային կազմակերպության աշխատակիցներ են, որոնք զբաղվել են ականազերծմամբ»։ Արցախի նախագահի մամուլի խոսնակ Դավթի Բաբայանն էլ հաստատեց նույնը .«Միջազգային այս կազմակերպությունը տարիներ շարունակ զբաղվում է ականազերծման աշխատանքներով: Այդ աշխատանքներն իրականացնող խումբը պայթել է ադրբեջանական ականներից: 3 զոհ ունենք, երկու վիրավոր»: Վիրավորները բժիշկների հսկողության տակ են, ամեն ինչ անում են, նրանց վիճակը բարելավելու համար:
Հետևեք մեզ Viber-ում
