«Արժանապատիվ ազատամարտիկ» ՀԿ նախագահ, պահեստազորի գնդապետ Վոլոդյա Ավետիսյանն, ով շուրջ մեկ շաբաթ իր աջակիցների հետ նստացույց է անում Ազատության հրապարակում ահազանգում է իրենց ուղղված սպառնալիքների մասին: NEWS.am-ի հետ զրույցում, մասնավորապես, Վոլոդյա Ավետիսյանը պատմեց, որ անհայտ անձինք սպառնացել են նստացույցի մասնակից, գյումրեցի ազատամարտիկ Յուրա Աթոյանին:
«Այսօր անհայտ համարից զանգահարել են նստացույցի մասնակից Յուրա Աթոյանին, սպառնացել են, որ եթե շարունակես գնալ Ազատության հրապարակ, էդ նստացույցին մասնակցես, քեզ մի քանի օր ժամանակ է մնացել: Նաեւ հատուկ մարդիկ են ուղարկում, որ մեզ սադրեն: Դրանք գալիս, ասում են, որ ուժային մեթոդներով է պետք սրանց հետ խոսել, զենքով, չգիտեմ ինչով, ես էլ ասում եմ` բերաններդ փակեք, նման բան չկա, ես զինված հեղափոխության կոչ երբեք չեմ արել, մենք խաղաղ ցույց ենք անում, առաջարկում ենք ժողովրդին` խաղաղ միջոցներով հեղափոխություն անել»,- ասաց Վոլոդյա Ավետիսյանը:
Նշենք, որ Վոլոդյա Ավետիսյանի հիմնական պահանջն է` չթույլատրել Սերժ Սարգսյանի եւ ռեժիմի վերարտադրումը, ստեղծել ժամանակավոր կառավարություն, դրանից հետո ազատ արձակել քաղբանտարյալներին:
Պահեստազորի գնդապետը հայտնեց, որ այս պահին իրենք 20 հոգով են նստացույցը շարունակում, սակայն իրենց աջակիցները շատ են, գալիս են իրենց աջակցությունն են հայտնում եւ գնում են. «Նույնիսկ կուսակցություններ կան, որ արդեն համագործակցում են մեզ հետ, համամիտ են մեր մոտեցմանը, ուղղակի չեմ ցանկանում դեռ անուններ հայտնմել»:
Նշենք, որ նստացույցի մասնակիցները պարզել են պաստառներ, որոնց վրա գրված է. «Թույլ չենք տա Սերժ Սարգսյանի վարչապետացումը», «Հայաստանն առանց քաղբանտարկյալների»: Պաստառներից մեկի վրա էլ գրված են «Սեֆիլյանի եւ մյուսների» գործով ամբաստանյալների անուններն ու դատարանի կողմից տրված պատժի չափը:
Հիշեցնենք, որ Վոլոդյա Ավետիսյանը 2013թ. սեպեմբերին կալանավորվել եւ 2014-ի ամռանը 6 տարվա ազատազարկման է դատապարտվել, իսկ 2017-ի մայիսին ազատ է արձակվել համաներման արդյունքում: Նա դատապարտվել է խարդախության համար:
Վոլոդյա Ավետիսյանն արցախյան ազատամարտի մասնակից է, եղել է Լեոնիդ Ազգալդյանի աջ ձեռքը:
Հոկտեմբերի 22-ին՝ ժամը 11։30-ին, Հայելի ակումբի հյուրն է Գյուլնարա Ալեքսանյանը
Հոկտեմբերի 22-ին՝ ժամը 15։00-ին, Հայելի ակումբի հյուրն է Հենրիխ Դանիելյանը
Հոկտեմբերի 22-ին՝ ժամը 12։00-ին, Հայելի ակումբի հյուրն է Նարինե Դիլբարյանը
Հոկտեմբերի 21-ին՝ ժամը 13։00-ին, Հայելի ակումբի հյուրն է Լարիսա Ալավերդյանը
Հոկտեմբերի 21-ին՝ ժամը 15։00-ին, Հայելի ակումբի հյուրն է Հովհաննես Շահինյանը
Հոկտեմբերի 21-ին՝ ժամը 14։00-ին, Հայելի ակումբի հյուրն է Արմենակ Դանիելյանը
Հոկտեմբերի 21-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Հոկտեմբերի 21-ին՝ ժամը 11։00-ին, Հայելի ակումբի հյուրն է Նաիրա Գևորգյանը
Հոկտեմբերի 20-ին՝ ժամը 12։00-ին, Հայելի ակումբի հյուրն է քաղաքագետ Երվանդ Բոզոյանը
Հոկտեմբերի 20-ին՝ ժամը 14։00-ին, Հայելի ակումբի հյուրն է արտակարգ և լիազոր դեսպան Ձյունիկ Աղաջանյանը
Հետևեք մեզ Viber-ում
