Ոստիկանության նախկին գնդապետը հերքում է, որ ինքը մեղայականով ներկայացել է իրավապահներին (տեսանյութ)

Փաստաբանների պալատի փաստաբան Արման Թամրազյանը այսօր՝ մարտի 28-ին ֆոտոլրագրող Գագիկ Շամշյանի հետ զրույցում որոշ տեղեկություններ ներկայացրեց 2017 թ-ի օգոստոսի 5-ին Հայաստանի քննչական կոմիտեի Կոտայքի մարզային քննչական վարչության Նաիրիի քննչական բաժնում ՀՀ քր օր-ի 242 հոդվածի 2-րդ մասի հատկանիշներով հարուցված քրեական գործի մասին: Ա. Թամրազյանը պաշտպանում է նշված քրգործով կալանավորված, կասկածյալ Սուրեն Ջեյրանյանի շահերը: Փաստաբանը հայտնում է, որ նախաքննության ընթացքում թույլ են տրվել բազմաթիվ բացթողումներ, որոնց մասին դատաքննության ժամանակ, երբ կսկսվի ապացույցների հետազոտումը, ինքը կներկայացնի դատական նիստին: Դատական նիստը տեղի է ունենում Արագածոտնի մարզի ընդհանուր իրավասության դատարանի Աշտարակի նստավայրում և այն վարում է Սուրեն Մնոյանը: Ֆոտոլրագրողի հետ զրույցում փաստաբանը ասում էր, որ իր պաշտպանյալ Ս. Ջեյրանյանը հայտարարել է, որ վթարի պահին ավտոմեքենայի ղեկին եղել է Ռաֆայել Սարգսյանը: Նշված փաստը հիմնավորել է նաև գործով անցնող Լիլիթ Բաղդասարյանը, ով վթարի պահին խոսել է Ս. Ջեյրանյանի հետ տեսազանգով: Ֆոտոլրագրողի հարցին՝ այդ դեպքում, եթե Ս. Ջեյրանյանը չի վարել ավտոմեքենան, ապա ինչու է նրա հայրը՝ ոստիկանության նախկին գնդապետ Սամվել Ջեյրանյանը, ինքնակամ ներկայացել ոստիկանության Նաիրիի բաժին և հայտնել, որ մեքենան ինքն է վարել: Փաստաբանը այդ հարցին պատասխանեց, որ նման տեղեկությունը չի համապատասխանում իրականությանը և եթե նման բան լիներ, ապա քրեական գործում այդ մասին գոնե մեկ բառով նշում կլիներ, մինչդեռ այդ մասին ոչինչ չկա: Մանրամասները՝ այստեղ: