Ռուս պատգամավորը ծաղրեց Ալիեւին (video)
ՌԴ Դաշնային ժողովի պետական դումայի ԱՊՀ գործերով, եվրասիական ինտեգրման ու հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինն այսօր Երևանում հրավիրած ասուլիսում անդրադարձել է Ադրբեջանի նախագահ Իլհամ Ալիևի՝ Երևանն ու Զանգեզուրը Ադրբեջանի պատմական տարածքներ հայտարարելու մասին հայտարարություններին: Կոնստանտին Զատուլինն ասաց, որ ինքը Հայաստանի ու Ռուսաստանի բարեկամության կողմնակից է, ինչպես և Ռուսաստանի պետական դումայի մի շարք պատգամավորներ:
«Ամենայն հավանականությամբ այդ հայտարարությունը ներքին սպառման համար էր՝ հաշվի առնելով ընտրությունների գործոնը, բայց այն չի դիմանում ոչ մի քննադատության պատմության ու քաղաքականության տեսնակյունից: Ուղղակի հասկանալի չէ, թե ինչպես որևէ մեկը կարող է լուրջ վերաբերվել այդ հայտարարությանը»,- ասաց նա:
Զատուլինը նաև մի դեպք պատմեց, թե ինչպես էր տարիներ առաջ Արցախի այն ժամանակվա արտաքին գործերի նախարար Արկադի Ղուկասյանը Հռոմում ծաղրել է ադրբեջանցիներին:
Վերջինս նշեց նաև , որ իրենք մտահոգված են նաև այն փորձերով, որոնք միտված են բանակցային գործընթացը փակուղի տանելու և արտահայտվում են ռազմական հռետորաբանությամբ, ուժի կիրառման սպառնալիքով:
«Մենք հասկանում ենք, ո ղարաբաղյան հակամարտությունը, ինչպես աշխարհի մի շարք այլ հակամարտություններ, չունի կարգավորման այլ տարբերակ, քան խաղաղ կարգավորումն է: Ռուսաստանում, ինչպես և միշտ, մտահոգված են նրանով, որ ռազմական տարբերակը կիրառելի չլինի այս կոնֆլիկտի լուծման համար: Ինչ վերաբերում է Ալիևի հայտարարությանը, ապա ասեմ, որ ես կցանկանայի մաքսիմալ կոռեկտ արտահայտվել՝ հաշվի առնելով այն, որ վաղը կկարդամ իմ մեկնաբանությունները Ադրբեջանի ԶԼՄ-ներում: Ադրբեջանի հարգելի նախագահը թուլացրել է իր դիրքերը՝ միջազգային հանրության առաջ նման հայտարարություններ անելով: Դրանք, հավանաբար, ներքին լսարանի համար են արվել, ընտրություններից առաջ, բայց չեմ կարծում, թե այն քննադատությանը կդիմանա պատմական, քաղաքական և այլ տեսանկյուններից: Պարզ չէ, թե ով կարող էր լուրջ վերաբերել այս մտքերին»,– ասաց Կոնստանտին Զատուլինը:
Հետևեք մեզ Viber-ում
