ՔԿ վարչության հանրային կապերի բաժնի պետի ԺՊ նշանակվել է Նոնա Նավիկյանը
ՀՀ արդարադատության նախարարության քրեակատարողական վարչության հանրային կապերի բաժնի պետ Գոռ Ղլեչյանն անցել է զինվորական թոշակի: «Ֆեյսբուք»-ի իր էջում կատարած գրառման միջոցով այս մասին հայտնում է Գոռ Ղլեչյանը: «Զանգվածային լրատվության միջոցների հարգելի ներկայացուցիչներ, գործընկերներ. տեղեկացնեմ, որ այսօրվանից անցել եմ երկարամյա ծառայության զինվորական կենսաթոշակի: Քրեակատարողական ծառայությանը վերաբերող տեղեկատվություն ստանալու համար այսուհետ կարող եք զանգահարել 060 473698 հեռախոսահամարով: Շնորհակալ եմ յոթամյա համագործակցության համար»,- գրել է Գոռ Ղլեչյանը: Քրեակատարողական վարչության հանրային կապերի բաժնի պետի ժամանակավոր պաշտոնակատար է նշանակվել արդարադատության մայոր Նոնա Նավիկյանը:
Հետևեք մեզ Viber-ում
