Ինչու բնակիչները չեն հավատում Կեմերովոյում հրդեհի զոհերի մասին հրատարակված տվյալներին

ՌԴ Կեմերովո քաղաքի «Զիմնյայա վիշնյա» առևտրի կենտրոնում հրդեհի հետևանքով զոհերի    թիվը վերջին տվյալներով  64-ն է: ՌԴ նախագահ Վլադիմիր Պուտինը, ով ժամանել է Կեմերովո, տեղի ունեցածը «հանցավոր անփութություն» է անվանել՝ հորդորելով համապատասխան մարմիններին տալ կատարվածի իրավական գնահատականը: Նա նաև կոչ է արել կասկածի տակ չառնել զոհերի ու տուժածների մասին հրապարակվող պաշտոնական տեղեկատվությունը: Կեմերովոյի բնակիչները քաղաքային ադմինիստրացիայի մոտ մարտի 27-ի առավոտյան լայնամասշտաբ բողոքի ցույց են սկսել՝ պահանջելով տեղական իշխանությունների հրաժարականը: Նրանք պնդում են, որ զոհերի և տուժածների մասին հրապարակված պաշտոնական թիվը չի համապատասխանում իրականությանը: Առևտրի կենտրոնում հակահրդեհային ազդանշանը չի աշխատել դեռ մարտի 19-ից, ոչ ոք չի զբաղվել այն կարգի բերելով,հայտնել է  ՌԴ քննչական կոմիտեի նախագահ Ալեքսանդր Բաստիրկինը Կենտրոնի անվտանգության աշխատակիցը հրդեհի սկսվելուց հետո չի միացրել ազդանշման համակարգը, որն ի տարբերություն հակահրդեհային ազդանշանի, սարքին է եղել: «Մենք չենք կարող որևէ խելամիտ բացատրություն տալ դրան, ինչ-որ չպատրաստված մարդ է եղել»,- հայտնել է նա: Բաստիրկինը հավելել է նաև, որ հրդեհի հետևանքով մահացած 37 անձի ինքնությունը պարզելու համար գենետիկ փորձաքննությունը կտևի մինչև 2 շաբաթ: եմերովոյում, Եկատերինբուրգում, Պրիմորսկի  երկրամասում, Ինգուշիայում սուգ է հայտարարվել: Մարտի 27-ի առավոտվա դրությամբ համառուսաստանյան սուգ չի հայտարարվել: