«Արևմուտքն սկսում է կտրուկ քայլեր կատարել Հայաստանի դեմ». Երջանիկ Աբգարյան

Եթե Արևմուտքն, ի դեմս Ռուսաստանի, Թուրքիայի և Ադրբեջանի ագրեսիվ և հակաժողովրդվարական քաղաքականության, որոշ ժամանակահատված աստիճանաբար դրականորեն վերաբերվեց հայաստանյան հարցերին, ապա վերջին 6-7 տարիներին ակնհայտ է դառնում, որ Արևմուտքն սկսում է կտրուկ քայլեր կատարել Հայաստանի դեմ: Նախ անցած տարիներին ԱՄՆ-ը մշտապես մերժեց Հազարամյակի ծրագրում իր մասնակցությունը վերականգնելու Հայաստանի իշխանության առաջարկները և աստիճանաբար պակասացնում էր Հայաստանին հատկացվող օգնության գումարները: Այս տարի էլ, արդեն հայտնի է, որ ԱՄՆ-ն ամբողջապես դադարացրեց Հայաստանին և Արցախին օգնություն տրամադրելը: Իսկ ահա Եվրոպան անցյալ տարի մերժեց հայկական գյուղատնտեսական ապրանքների մուտքը եվրաշուկա, վերջերս Եվրադատարանն էլ հաճախակի է վճիռներ կայացնում ընդդեմ Հայաստանի և այլն: Այդ բոլորը Հայաստանի դավաճանական իշխանության գեղցիական «խորամանկության» և երկրի «անվտանգության» վերաբերյալ արտառոց պատկերացում ունենալու հետևանքն են և դեռ ավելի վատ օրեր են սպասում մեր ժողովրդին: Աստված մի արասցե, եթե ռուս-արևմտյան հակասությունները հասնեն հարվածների փոխանակմանը, ապա Հայաստանում տեղակայված ռուսական C-300-ները, «Իսկենդերները», «Սմերչները» և այլնը անպայման առաջնահերթ թիրախներից մեկը կդառնան Արևմուտքի համար: Հայաստանին էշ նահատակի փշե պսակով զարդարողներին հայ ժողովուրդը, եթե ուզում է անկախ ապրել ու զարգանալ, պարտավոր է շուտափույթ կանխարգելիչ կործանարար հարված հասցնել և երկիրը դուրս բերել ներկա ռուսական սատանայական շրջանակից: Երջանիկ Աբգարյան