«Դուք պետք է դա ընդունեք...և արդեն ընդունում են դա Հայաստանում». Զատուլին
ՌԴ Դաշնային ժողովի պետական դումայի ԱՊՀ գործերով եվրասիական ինտեգրման ու հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինն այսօր լրագրողների հետ հանդիպմանը լրագրողի հիշեցմանը, որ մի առիթով նա Սերժ Սարգսյանին նվիրել է «ոսկե ռուլետկա», այս անգամ ի՞նչ է նվիրում Հայաստանի նախագահին, նշեց, որ նվերը Սերժ Սարգսյանին արել է վաղուց։ «Իրականում դա եղել է շատ տարիներ առաջ, անմիջապես այն բանից հետո, երբ Հայաստանը հերթական անգամ շախմատային օլիմպիադայում մեծ հաղթանակ էր տարել։ Ես շատ լավ գիտեմ, որ Սերժ Սարգսյանը Շախմատի ֆեդերացիան է գլխավորում, և ես պարզապես ցանկացել եմ, որ նա ժամանակ առ ժամանակ հանգստանա շախմատից: Ընդհանրապես, իմ կարծիքով, Սերժ Ազատովիչը սպորտում ու քաղաքականության մեջ զարմանալի հետաքրքիր շախմատիստ է։ Եվ ես կարծում եմ՝ դուք պետք է դա ընդունեք...և արդեն ընդունում են դա Հայաստանում»։ Հիշեցնենք նաև, որ 2017-ի դեկտեմբերին հարցազրույցներից մեկի ժամանակ Զատուլինը նշել էր, որ կառավարման համակարգի փոփոխությունից հետո Հայաստանի վարչապետի պաշտոնում տեսնում է հենց Սերժ Սարգսյանին, քանի որ այդ դեպքում ՀՀ ներսում կբացառվեն նաև ներքին ցնցումները:
Հետևեք մեզ Viber-ում
