Չի կարող երկրում լինել փոփոխություն զինված պայքարով, արյունով.ՀՅԴ

13:19 - 26/մարտի/2018

«Վերջին տարիներին ես չեմ նկատել, թե չորրորդ իշխանության դերակատարության համար կառավարության նիստերի բաց լինելն ինչ-որ բան տվել է: Երևանի ավագանու նիստերին եթե լրագրողներն իրենց համար նախատեսված սենյակից հետևեն ինչ որ բան չի փոխվի»,- Ազգային ժողովում ԱԺ ճեպազրույցների ժամանակ նման պատասխան տվեց ԱԺ ՀՅԴ խմբակցության քարտուղար Աղվան Վարդանյանը հարցին, թե ինչպե՞ս է նա վերաբերվում գերատեսչությունների դռները լրագրողների առջև փակելուն:

Հարցին՝ եթե ՀՀԿ-ական անդամները հայհոյեն մյուս անդամներին, ինչպե՞ս պետք է լրագրողներն ուղիղ հեռարձակմամբ դա նկատեն՝ Ա. Վարդանյանը պատասխանեց, որ կարծում է՝ ավագանու ընդդիմադիր անդամները կտեղեկացնեն նման դեպքերի մասին:

ընդդիմադիրների՝ Սերժ Սարգսյանի վարչապետության դեմ պայքարելու ցանկության մասին , որ յուրաքանչյուր կազմակերպություն, միավոր, ինքն է որշում իր պայքարի մեթոդները: Նա նշեց, որ ինքը դեմ է անձերի դեմ պայքարին: «Սասնա ծռերի» անդամ Վարուժան Ավետիսյանը զինված պայքարի կոչեր է անում, Նիկոլ Փաշինյանն էլ ասում է, որ ապրիլի 9-17-ն իշխանությունը «քցած» է լինելու փողոցում՝ Ա. Վարդանյանը նախ ասաց, որ տարիներ առաջ ևս նման արտահայտություն եղել է, որ իշխանությունը փողոցում «քցած» է: «Յուրաքանչյուրն ինքն է որոշում պայքարի իր մեթոդները: Մեր այս փոփոխությունների փուլում ծայրահեղականության, հակասահմանադրական պայքարի որևէ կոչ դատապարտելի է մեր կողմից: Մենք «Սասնա ծռերի» գործողությունը դատապարտել ենք առավոտյան շուտ: Չի կարող երկրում լինել փոփոխություն զինված պայքարով, արյունով, և բոլոր այն ուժերը, որոնք դրա կողմնակիցն են, մարգինալ են մնալու, լուսանցքում են մնալու»: