Վարչապետն անկառավարելի դև է լինելու.Գևորգ Գորգիսյան

«Եթե մեր գործընկերները հավատում են այդ ճանապարհով ին որ բան փոխելուն , ապա մենք չենք հավատում »,- ԱԺ ճեպազրույցի ժամանակ անդրադառնալով փողոցային պայքարին, հայտարարեց  «Ելք» խմբակցության քարտուղար Գևորգ Գորգիսյանը, հավելելով որ նրանք Սերժ Սարգսյանի և իր համակարգի դեմ պայքարում են ամեն օրյա աշխատանքով: Գ. Գորգիսյանի պնդմամբ՝ Լուսավոր Հայաստան կուսակցությունը՝  Քաղաքացիական պայմանագիր, Հանրապետություն կուսակցությունների հետ որևէ խնդիր չունի պարզապես ունեն տարբեր ճանապարհային քարտեզներ՝ պայքարի վերաբերյալ. «ՀՀԿ-ն  լուրջ աշխատող համակարգ է և դրա դեմ դու պետք է ունենաս նմանատիպ, որոշ կետերով նաև ավելի լավ աշխատող համակարգ, հակառակ դեպքում, դու որևէ հնարավորություն չես ունենա։ Եթե դու պատրաստ չլինես ինստիտուցիոնալ մակարդակում Հանրապատականին փոխարինելու, որևէ այլ ճանապարհով երբեք չես կարող», - նշեց նա։ Քաղաքացիական պայմանագրի» առաջարկած փողոցային պայքարում մենք  մի շարք խնդիրներ ենք տեսնում ու կարծում ենք, որ մեր պայքարը պիտի լինի ինստիտուցիոնալ մակարդակում, այլ ոչ թե անձի,ասաց նա: Դիտարկմանը, թե ժամանակին ԲՀԿ-ն իրեն հռչակել էր ինստիտուցիոնալ ընդդիմություն և ինչո՞ւ նրանց մոտ չի ստացվում պայքարել իշխանության դեմ, Գորգիսյանը հակադարձեց. «Որովհետև նրանք երբեք ռեալ ընդդիմադիր գործունեությամբ չեն զբաղվել»։ «Դրանք շատ ավելի վտանգավոր են, քան այն անձը, որը լինելու է վարչապետ, որովհետև վարչապետը լինելու է անվերահսկելի անձ՝ օժտված բացարձակ իշխանությամբ :Վարչապետը անկառավարելի դև է լինելու, որովհետև հակակշռող, զսպող օղակ չի ունենալու։ Անգամ հանցագործության դեպքում վարչապետի ձեռքը բռնող օղակ չի լինելու, որովհետև ԱԱԾ-ն և ոստիկանությունը ենթարկվում են վարչապետին։ Նման օրինակ պառլամենտական որևէ երկրում գոյություն չունի»,- խոսելով Սահմանադրությամբ վարչապետին ընձեռված լիազորությունների մասին՝ ասաց Գորգիսյանը: