Փողոցու՞մ է «քցած լինելու» իշխանությունը, որ գնան գտնեն. Աղվան Վարդանյանը՝ Նիկոլ Փաշինյանին

«Անձնավորված պայքարին ես չեմ հավատում, որովհետև հավատում եմ համակարգային փոփոխություններին :Թող փորձեն,որովհետև առաջին անգամը չէ, բայց Հայաստանում ոչ միայն նման պայքարի ինտիստուցիոնալ հիմքը չեմ տեսնում, այլև՝ ռեսուրսը, բայց ամեն մեկը թող անի, իր իրավունքն է։ Մեր մոտեցումը չէ թիրախ դարձնել միայն մեկ անձի», - անդրադառնալով Սերժ Սարգսյանի վարչապետությունը կանխելուն ուղղված ժողովրդական պայքարին՝ԱԺ ճեպազրույցների ժամանակ հայտարարեց   ՀՅԴ խմբակցության քարտուղար Աղվան Վարդանյանը։ Երբ Սահմանադրությունն ընդունվում էր, պարզ էր, որ վարչապետն ինչ լիազորություններ է ունենալու և ով է ընտրելու վարչապետ։ Նա ընդգծեց, որ ՀՅԴ-ն գոհ է սահմանադրական փոփոխություններից։ «Ես նախ ասացի, որ երբ որ մենք Սահմանադրությունն ընդունում էինք, արդեն պարզ էր, թե այդ վարչապետն ինչ լիազորություններ է ունենալու և վարչապետի առաջադրումն ում կողմից է լինելու։ Այնպես որ, այստեղ որևէ խնդի չկա։ Այո, Սահմանադրության ընդունումից մենք գոհ ենք»։ Լրագրողներից մեկի հարցին,  թե Սերժ Սարգսյանն, ի վերջո, փոխարինելի՞ անձ է մեր երկրում, թե՞ փոխարինելի չէ, ՀՅԴ-ականն ասաց․ «Անփոխարինելի մարդիկ չկան, տասնյակ ու տասնյակ անգամներ ասել եմ, անփոխարինելի մարդիկ չեն լինում ընդահնրապես»։ «Տարիներ առաջ դրաձյալ նման արտահայտություն է եղել, թող փորձեն վերցնել, ինչ ասեմ։ Բնական է, որ այդ ժամանակահատվածում իշխանությունը փողոցում ընկած չի լինելու, յուրաքանչյուր մարմին իր օրինական պարտականություններն է իրականցնելու։ Հետո ի՞նչ գիտեն, թե որ փողոցում է, գուցե գնան այն փողոց, որտեղ ընկած չի լինի, փնտրեն ու չգտնեն»,-խոսելով Փաշինյանի այն հայտարարության մասին, որ ապրիլի 9-17 ընկած ժամանակահատվածում իշխանությունը «քցած է լինելու» և կարելի է այն գնալ ու վերցնել, ասաց Վարդանյանը: «Զինված պայքարով և արյունով փոփոխություններ չեն կարող լինել: Ովքեր այս պայքարի կողմնակից են, նրանք լուսանցքում են մնալու»,-հավելեց ՀՅԴ-ական պատգամավորը: