Զավթված երկրում ժողովրդին կեղծ մարդասիրությամբ մոլորեցնելը ցեղասպանություն է. Վ. Ավետիսյան
«Սասնա ծռեր» խմբի անդամ, ազատազրկված Վարուժան Ավետիսյանը, «Սասնա ծռեր»-ի անունից , «Արմավիր» ՔԿՀ-ից հայտարարություն է փոխանցում ժողովրդին այն մասին, որ հայաստանյան իշխանությունները ազգադավ ոճրագործներ ու ներքին թշնամիներ են, նրանց հետ կարելի է խոսել միայն կոպիտ ուժով, զենքով. Հայտարարությունը առանց խմբագրման ներկայացնում ենք ստորեւ. «Սասնա Ծռերի հայտարարությունը
Ոմանց նուրբ զգայարանները խոցվել են, երբ ցեղասպան վարչակազմի դատարանում հրապարակվել է Սասնա Ծռեր խմբավորման մի քանի անդամի կոպիտ խոսքը ապստամբության օրերին։
«Քաղաքական» ու «քաղաքակիրթ» այդ պարոնները, որ կամա թե ակամա կողմ են միայն պետությունը զավթած և այն ցեղասպանության գործիքի վերածած հանցավոր վարչակազմի բռնությանը, իսկ վերջինիս նկատմամբ պատասխան բռնությանը դեմ են, որովհետև կամ կառավարող հանցախմբի շահառու են կամ պարզապես ուժ ու քաջություն չունեն զենք վերցնելու հանուն ազատության ու արժանապատվության, բաց չեն թողնում Սասնա Ծռերից զատվելու, բռնությունը և կոպտությունը մերժելու միջոցով համապատասխանաբար հանցախմբի բռնությունը կամ իրենց վախկոտությունն արդարացնելու պատեհ առիթը։
Ի դեպ, զլմ-ներում Արցախյան շարժման 30-ամյակի վերաբերյալ արդեն մեկ ամիս շարունակվող համարյա բոլոր քննարկումները վերաբերվում են դրա հանրահավաքային բաղադրիչին, որպեսզի տպավորություն առաջանա, թե Արցախը հանրահավաքներով է ազատագրվել։
Այս մարդիկ չեն կարողանում հասկանալ, որ ժողովուրդը վաղուց զատվել է իրենց նման ստերիլ փափկասուններից, որ բռնացողին Հայրենիք ու պետականություն են հանձնում «քաղաքական» ու «քաղաքակիրթ» վարքագծով։
Առիթն օգտագործելով, վերստին հիշեցնում ենք, որ․
ա) Հայաստանը զավթած ցեղասպան գաղութային վարչակազմը և նրան ծառայողները ազգադավ ոճրագործներ, ուստի՝ թշնամիներ են, այդ պատճառով նրանց հետ պետք է խոսել զենքով ու ապստամբության լեզվով, որը երբեմն նաև կոպիտ է լինում,
բ) զավթված երկրում ցեղասպանվող ժողովրդին կեղծ մարդասիրությամբ, խաղաղասիրությամբ կամ օրինապաշտությամբ մոլորեցնելը և բռնությանը բռնությամբ պատասխանելուց հետ պահելը ցեղասպանության հանցակցություն է»։
Վարուժան Ավետիսյան
Սասնա Ծռեր խմբավորման անունից
24 մարտ, 2018 թվական
Հետևեք մեզ Viber-ում
