«Ծնողներին ճնշելով ստիպում են, թե գրի, երեխեն 3 օր կորել ա». Վոլոդյա Ավետիսյան
«Հանուն Հայաստան պետության» ճակատը Երևանի Ազատության հրապարակում արդեն թվով երրորդ հանրահավաքն է անցկացնում: Հանրահավաքի ժամանակ ելույթ ունեցավ նաև Ազատության հրապարակում նստացույց սկսած ազատամարտիկ Վոլոդյա Ավետիսյանը. «Մեր նպատակը հայրենիքի փրկությունն է այս իշխանություններից, սրանք հայ չեն: Պարզ օրինակ բերեմ. մի երիտասարդ կա, 18 տարին լրացել է, մեզ հետ նստացույց է անում: Խաբելով, ծնողներին ճնշելով ստիպում են, թե գրի, երեխենք 3 օր կորել ա, չկա... Բռնի ուժով դնում են մեքենան, խփելով տանում են Ապարան, հանձնում ծնողներին: Հետո էլ ծնողներին վախեցնում եմ, թե չմոռանաք, որ շուտով բանակ ա գնալու»: Նրա ելույթից հետո միջոցառման կազմակերպիչները ողջունեցին Վոլոդյա Ավետիսյանին: «Նրա և մյուս ազատամարտիկների հաստատակամությունը բերելու է նոր մարդիկ, ովքեր կտեսնեն այսպիսի կամք, որպեսզի կարողանան վերջնականապես մեր տան գլխին նստած հրեշից ազատվել»,-ասաց նախաձեռնության անդամ Արմեն Հովհաննիսյանը:
Հետևեք մեզ Viber-ում
