ՀՀԿ եւ ՀՅԴ անդամներ՝ սթափվեք. Սուսաննա Մուրադյան

«Հանուն Հայաստան պետության» ճակատը Երևանի Ազատության հրապարակում արդեն թվով երրորդ հանրահավաքն է անցկացնում: «Ունենք մշակած կոնկրետ գործողություններ՝ կապված առաջիկա օրերի հետ, ելույթների ընթացքում կպարզաբանենք»,- այսօրվա հանրահավաքի մեկնարկին հայտարարեցին «Հանուն Հայաստան պետության» ճակատի համակարգող խմբի անդամները: Ճակատի կոչը ընթերցեց Սուսաննա Մուրադյանը։ «2013-ի ես խոհեմության կոչեր էի անում մի մարդու, միամիտ էի, ասում էի՝ խաղաղ հեռացեք, ինչ իմանայի՝ այդ մարդը սոսնձվել է աթոռին, որը երբեք իրեն չի պատկանել։ Որ ստախոս է, դրանում համոզված էինք, բայց որ Tert.am-ին տված հարցազրույցում աճպարարություն պիտի աներ՝ մեզ խաբելու, չէինք էլ ենթադրում երեւի։ Այդ կապացկությամբ ճակատը հայտարարություն ունի, որը հիմա ես կկարդամ .... Սիրելի Հայրենակիցներ, 2008 թվականին բռնությամբ եւ արյամբ ձեռք բերված Սերժ Սարգսյանի իշխանությունը, այս անգամ կեղծված հանրաքվեի միջոցով մեզ պարտադրված Սահմանադրության օգնությամբ երկարաձգելու ծրագրի իրագործումը մոտեցել է ավարտական փուլին։ Մարտի 19-ին Tert.am կայքին տված հարցազրույցով նա բռնված գրպանահատին հարիր աճպարարությամբ եւ փաստարկներով, ըստ էության հայտնեց, որ դրժելով հրապարակայներոն տրված պաշտոնական խոստումը կառչած է մնալու երկրի ղեկավարի պաշտոնից։ Այս անփառունակ գործչին նման բան թույլ տալը հղի է հետեւյալ կործանարար հետեւանքներով: Առանջինը դիմում ենք ՀՀԿ եւ ՀՅԴ անդամներին՝ սթափվեք, միացեք բողոքին։ Սերժ Սարգսյանի երրորդ պաշտոնավարման ժամկետի գնալը, հանգեցնելու է Հայաստանի և Ադրբեջանի նույնականացմանն՝ զրկելով մեզ քաղաքակիրթ աշխարհի՝ առանց այդ էլ մսխված վստահության և համակրանքի վերջին փշրանքներից: Ուստի կոչ ենք անում ՀՀ քաղաքացիներին ու սփյուռքի մեր հայրենակիցներին՝ համաժողովրդական ընդվզման: Սարգսյանը պետք է հեռանա, իսկ դրան անխուսափելիորեն հաջորդող հանցավոր ռեժիմի փլուզումից հետո, կկերտենք նոր Հայաստանը: Սերժ Սարգսյանն իր հանցակիցների հետ կկանգնի անկախ դատարանի առջև»,- եզրափակեց նա:»։