Սոչիի լեռնադահուկային լանջերը դեղնել են. լուսանկարներ

Ռուսաստանի Կրասնոդարի երկրամասի Կրասնայա Պոլյանա քաղաքատիպ ավանի «Ռոզա Խուտոր» լեռնադահուկային հանգստավայրում ձյան թմբերը պատվել են ավազով։ Այս մասին հայտնում է «Говорит Москва» ռադիոկայանը՝ հղում անելով Կրասնոդարի երկրամասի հիդրոօդերևութաբանության և շրջակա միջավայրի մոնիթորինգի կենտրոնին։ Սոցիալական ցանցերի օգտատերերը գրում են, որ ավազը տեղումների հետ միասին է թափվել: Funsochi համայնքը Instagram սոցիալական ցանցում գրում է, որ «լեռներն այսօր Կարմիր մոլորակի նման են»: «Ռոզա Ֆարմ» հանգստավայրի տեղեկատույում հաստատել են, որ ձյունը փոխել է գույնը, սակայն դա ամենեւին չի խանգարում լեռնադահուկորդներին և սնոուբորդիստներին: