Պատրանքային, գրեթե անհնարին. «Ելք»-ը ողջամիտ ժամկետ է պահանջում
ԱԺ արտահերթ նիստում «Հանրաքվեի մասին» օրինագծի երկրորդ ընթերցմամբ քննարկման ժամանակ «Ելք» խմբակցության պատգամավոր Էդմոն Մարուքյանը հայտարարեց. ««Հանրաքվեի մասին» օրենքի նախագծով քաղաքացիների կողմից հանրաքվե նախաձեռնելու իրավունքը դարձնում են պատրանքային: Ստացվում է, որ դու ունես հանրաքվե նախաձեռնելու իրավունք որպես քաղաքացի, բայց դա իրական կյանքում իրագործելը գրեթե անհնար է» :
«Ելք»-ն առաջարկել էր, որ հանրաքվե անցկացնելու համար 300 հազար ստորագրություն հավաքելու համար ողջամիտ ժամկետ սահմանվի, ինչը չի արվել: Ավելին, եթե մի օր ՀՀ քաղաքացիներին անհանգստացնի այն հարցը, որ Հայաստանը ԵՏՄ անդամ է կամ ցանկություն լինեի այլ վերպատական կառույցի անդամակցելու, ժողովուրդը չի կարող որեւէ հանրաքվե նախաձեռնել այդ հարցով: Պետք է անպայման կառավարությունը առաջարկի»,-հայտարարեց Մարուքյանն ու հեգնանքով հավելեց. «Շատ բնական է, որ այս իրավունքը պատրանքային է, որովհետեւ պատրանքային խորհրդարանական կառավարմամբ երկրում քաղաքացիները պատրանքային նախաձեռնության իրավունք ունեն, պատրանքային հանրաքվե անցկացնելու տարբեր պատրանքային թեմաներով: Սա պատրանքային պրոցես է»:
Այս իրավունքը ոչ պատրանքային դարձնելու համար պետք է Սահմանադրությունը փոխել,նկատեց պատգամավորը:
Հետևեք մեզ Viber-ում
