Ինչպես է ընդունել Պուտինը ընտրություններում գրանցած «ռեկորդային» արդյունքը
«ՌԻԱ Նովոստի»-ի փոխանցմամբ, ՌԴ նախագահի մամուլի խոսնակ Դմիտրի Պեսկովը RT հեռուստաալիքին տված հարցազրույցում ասել է,որ ՌԴ նախագահ Վլադիմիր Պուտինն իր նոր նախագահական ժամկետում ցանկանում է զարգացնել հարաբերություններն աշխարհի տարբեր երկրների, այդ թվում՝ ԱՄՆ-ի և Եվրոպայի հետ: Ներքին խնդիրների վրա նախագահի քաղաքականության շեշտադրումը չի հանգեցնի աշխարհից Ռուսաստանի մեկուսացման աճի: Պուտինի պատկերացմամբ՝ արտաքին քաղաքականությունում հիմնական նպատակը ներքին խնդիրների իրականացման համար հարմարավետ միջավայրի ապահովումն է: Այդ պատճառով նախագահին հարկավոր է դիվանագիտության աջակցությունը, նշել է նա,ասել է Պուտինը և հավելել,որ Ռուսաստանը մտադիր չէ մտնել սպառազինությունների մրցավազքի մեջ և պատրաստվում է նվազեցնել ռազմական ծախսերը: Վլադիմիր Պուտինի համար ՌԴ նախագահական ընտրություններում գրանցած ռեկորդային արդյունքն անսպասելի է եղել,ասել է խոսնակը։ «Նա նույնպես չէր սպասում, նա ասաց, որ դա իր համար անսպասելի էր»,- ասել է Պեսկովը RT-ին տված հարցազրույցում՝ պատասխանելով հարցին, թե սպասելի էին արդյոք նախագահական ընտրություններում գործող նախագահի գրանցած արդյունքները։
Հետևեք մեզ Viber-ում
