«Վերածնունդ» երիտասարդական բնակելի համալիր կկառուցվի

Կառավարության այսօրվա նիստում Երևանի քաղաքապետ տարոն Մարգարյանը ներկայացրել է մի նախագիծ,ըստ որի   Երևանում նոր բնակելի համալիր կկառուցվի:Կառավարութունը հաստատել է    6.57 հեկտար տարածքով բնակելի համալիրի շինարարության սոցիալ–ներդրումային ծրագիրը, որը տեղակայված կլինի Մոնթե Մելքոնյան փողոցի վրա։ Քաղաքապետը  նշել է, որ ծրագիրը կիրականացնի «Երեւանի պետական համալսարանի շրջանավարտների միավորում» հասարակական կազմակերպությունը։ 457.3 մլն դրամ կադաստրային արժեքով տարածքը կօտարվի հօգուտ «Երեւանի պետական համալսարանի շրջանավարտների միավորման»՝ «Վերածնունդ» երիտասարդական ավանը կառուցելու նպատակով։

  ««Երեւանի պետական համալսարանի շրջանավարտների միավորում» հասարակական կազմակերպությունն իրականացնում է բնակարանային ապահովման սոցիալական ծրագրեր, որոնց շրջանակներում Երեւանում կառուցվում են բազմաֆունկցիոնալ բնակելի համալիրներ։ Բնակարանները տարբեր ոլորտի մասնագետներին վաճառվում են շուկայական գներից ցածր։ Ըստ հիմնավորման, ներկայումս, հաշվի առնելով մատչելի պայմաններով բնակարան ձեռք բերելու մեծ պահանջարկը եւ շուրջ 1200 երիտասարդ ընտանիքների կողմից ներկայացված դիմումները, որոշվել է ընդլայնել բնակարանաշինական ծրագրերի շրջանակը եւ մատչելի պայմաններով բնակարան ձեռքբերելու հնարավորություն ընձեռնել բոլոր կարիքավոր դիմումատուներին»,–նշել է Մարգարյանը։