Կարեն Կարապետյանը փոխվարչապե՞տ. ինչ է հայտնում նա
Այսօր ԱԺ-ում կառավարության հետ հարցուպատասխանի ժամանակ «Ելք» խմբակցության պատգամավոր Էդմոն Մարուքյանը հայտարարեց, որ վարչապետ Կարեն Կարապետյանի` Լիբանան այցի ժամանակ հայտարարել է, որ ունենալու ենք զարգացող երկիր, լավ բիզնես միջավայր կա, լիբանանահայ գործարարները կարող են գալ ներդրում կատարել: Սակայն, ըստ Մարուքյանի «ՓՄՁ-ն շնչահեղձ է լինում», «Հարյուրավոր բիզնեսներ փակվում են»: Այնուհետև Մարուքյանը հիշեցրեց, որ Կարապետյանն ասել էր, որ պատրաստ է վարչապետ աշխատել, բայց հիմա առաջին փոխվարչապետ է աշխատելու, արդյոք պատրա՞ստ է դրան: Վարչապետ Կարեն Կարապետյանը պատասխանեց, որ իրենք չեն ասում` ամեն ինչ լավ է. «Կառավարությունում ռեգուլյար աշխատում ենք բիզնես պայմանների լավացման վրա, հստակ գիտենք՝ ինչն ենք փոխել, հստակ գիտենք, որ մասն է բերել տնտեսական աճ, և ես հավատացած եմ, որ յուրաքանչյուր մեր սփյուռաքահայ ներկայացուցիչ կարող է մաս կազմել տնտեսության զարգացման»: Անդրադառնալով վարչապետի փոփոխության մասին խնդրին՝ նշեց. «Դրա քննարկումը եղե՞լ է, որ ասեմ` պատրա՞ստ եմ, թե՞ չէ»:
Հետևեք մեզ Viber-ում
