«Հեղափոխությունը սկսված է, Նիկոլին գցեք զիբիլի վեդրոն»․«Սասնա ծռերի» հեռախոսազրույցները
Երեւան քաղաքի ընդհանուր իրավասության դատարանի Շենգավիթ վարչական շրջանի նստավայրում այսօր շարունակվում է «Սասնա ծռեր» խմբի 10 անդամի գործով նիստը: Այն սկսվեց լարված մթնոլորտում: Գործի անջատված մասով անցնում են Պավել Մանուկյանը, Վարուժան Ավետիսյանը, Մխիթար Ավետիսյանը, Արայիկ Խանդոյանը, Գագիկ Եղիազարյանը, Արմեն Բիլյանը, Արեգ Կյուրեղյանը, Սմբատ Բարսեղյանը, Սեդրակ Նազարյանը եւ Էդվարդ Գրիգորյանը: Այսօր հրապարակվեցին «Սասնա ծռերի» գործով ՊՊԾ գնդից արված հեռախոսազրույցների վերծանությունները։ «Պավլիկի տղան է, սաղին հանեք, հեղափոխությունը սկսված է, սաղին հանեք, հիմա մենք հրեշտակների ոստիկանության մոտ ենք։ Ժողովրդին մոբիլիզացրեք, հանեք փողոց։ Օսիպյանն էլ մեր ձեռքում է, ինչքան ծանոթ ունեք տեղեկացրեք, թող դուրս գան փողոց հեղափոխությունը սկսված է»,-ասել է Պավլիկ Մանուկյանի տղան՝Արամ Մանուկյանը հեռախոսզրույցի ժամանակ։ Պավլիկ Մանուկյանի հեռախոսազրույցներում շոշափվում էր ԱԺ պատգամավորներ Նիկոլ Փաշինյանի եւ Լեւոն Զուրաբյանի անունները։ «Զուրաբյանին ու Նիկոլին թող քցեն զիբիլի վեդրոն, Նիկոլին շպրտեք զիբիլի վեդրոն։ Եթե Նիկոլը ըտեղ ա, մի հատ քարով գանգին խփեք»,- ասել է Պավլիկ Մանուկյանը։ Պավլիկ Մանուկյանը վրրդովվեց եւ ցանկացավ հայտարարություն անել, սակայն Մեսրոպ Մակյանն առարկեց:
Հետևեք մեզ Viber-ում
