ՍԴ նոր նախագահ Հրայր Թովմասյանի անցած ուղին

Հրայր Վարդանի Թովմասյան Ծնվել է 1970թ. հուլիսի 8-ին Արարատի մարզի Դարակերտ գյուղում: 1988-1990թթ. ծառայել է խորհրդային բանակում: Պահեստազորի մայոր: 1995թ. ավարտել է «Գլաձոր» կառավարման համալսարանի միջազգային իրավունքի ֆակուլտետը: Իրավաբան: 1998թ.՝ ՀՀ ԳԱԱ փիլիսոփայության եւ իրավունքի ինստիտուտի պետաիրավական հետազոտությունների բաժինը։ Իրավաբանական գիտությունների թեկնածու, դոկտորանտ: 1996-1998թթ. եղել է ՀՀ սահմանադրական դատարանի իրավախորհրդատվական ծառայության առաջատար մասնագետ, 1998-1999թթ.՝ գլխավոր մասնագետ, 1999-2001թթ.՝ ծառայության ղեկավարի տեղակալ։ 1998 թվականից  դասավանդում է Հայ-ռուսական (սլավոնական) համալսարանում,  2006-2010թթ.՝ «Գլաձոր» համալսարանում։ 2001-2010թթ.՝ Գերմանիայի տեխնիկական համագործակցություն ընկերության «Իրավական համակարգի ամրապնդման համար խորհրդատվություն» ծրագրի իրավաբան։ 2010 թվականին աշխատել է նույն ընկերության «Հարավային Կովկասում իրավական եւ դատական բարեփոխումների համար խորհրդատվություն» ծրագրի իրավախորհրդատու։ 2001թ. ապրիլ-օգոստոս ամիսներին եղել է ՀՀ բնապահպանության փոխնախարար։ 17.12.2010 -04.09.2013թթ.՝ ՀՀ արդարադատության նախարար: 2013 թվականից ՀՀ նախագահին առընթեր սահմանադրական բարեփոխումների մասնագիտական հանձնաժողովի անդամ է: 2014-2017թթ.՝ ՀՀ ԱԺ աշխատակազմի ղեկավար-գլխավոր քարտուղար։ 2012 թվականից ՀՀԿ անդամ է։ 2017թ. ապրիլի 2-ին ԱԺ պատգամավոր է ընտրվել ՀՀԿ համապետական ընտրական ցուցակով: Պարգեւատրվել է «Մխիթար Գոշ» (2013 թ.) եւ «Հայրենիքին մատուցած ծառայությունների համար» 1-ին աստիճանի  (2016 թ.) մեդալներով: Տասնյակից ավելի գիտական հոդվածների եւ ձեռնարկների հեղինակ է: Ամուսնացած է, ունի երեք զավակ։