Խորհրդարանական գործունեությունը դարձել է շուտասելուկ.Նիկոլ Փաշինյան
«Խորհրդարանական գործունեությունը դարձել է շուտասելուկ, ինչն անընդունելի է Հիմա օրակարգը սպառեցինք, երկու դատարկ օր է մնացել ու հիմա պետք է մտածենք՝ ի՞նչ անենք, որ հետաքրքիր անցնի:Ես ԱԺ խորհրդում առաջարկել եմ սկզբունք դարձնել, որ որևէ մայր օրենք 3 ժամից պակաս չի կարող քննարկվել», -ԱԺ-ում միջազգային պայմանագրերի մասին և կից ներկայացված օրենքների նախագծերի փաթեթի քվեարկությունների ժամանակ հայտարարեց «Ելք» խմբակցության ղեկավար Նիկոլ Փաշինյանը։ «Ելք» խմբակցության պատգամավոր Գևորգ Գորգիսյանը նկատեց , որ բերվել է մայր օրենք՝ հարակից 35 օրենքների նախագծերով, որը խորհրդարանը մեկ ժամում է քննարկել։ «Հասկանում եմ՝ շատերը չեն ցանկանում աշխատել, բայց կան մարդիկ, ովքեր ուզում են քննարկել այս ամենը, դրա համար մենք դեմ ենք քվեարկելու։ Դրա համար ԱԺ խորհրդում նորմալ ժամանակ սահմանեք, որպեսզի հնարավոր լինի քննարկել», - ասաց Գ.Գորգիսյանը:
Հետևեք մեզ Viber-ում
