«Հնարավոր է՝ Եղնուկյանը դատարանի դահլիճում սրտի կաթված ստանա». Տիգրան Հայրապետյան (փաստաբան) (video)

«Այսօր մեր դատարանները չեն կարողանում կալանավայրերում ապահովել քաղաքացիների նվազագույն պայմանները: Քաղաքական ենթատեքստ ունեցող գործերով էլ դատարանները պարալիզացված են»,- այսօր Հայելի ակումբում լրագրողների հետ հանդիպմանն ասաց «Սասնա Ծռեր» խմբի անդամներին օժանդակելու մեղադրանքով կալանավորված Կարո Եղնուկյանի փաստաբան Տիգրան Հայրապետյանը: Խոսելով Եղնուկյանի գործով դատավարություններից՝ փաստաբանը նշեց, որ հնարավոր է Եղնուկյանը դատարանի դահլիճում սրտի կաթված ստանա և մահանա. «Եղնուկյանի ժառանգական պատմության մեջ սրտի կաթվածից մահացել են թե՛ հայրը, թե՛ պապը: Մեր դատարանները և դատախազությունը վախենում են և էն տպավորությունն է, որ նրանք ուզում են Եղնուկյանն ամեն անգամ գա դատարանի դահլիճ, ոչ կոռեկտ խոսքեր ասի և նրա դեմ դատական սանկցիա կիրառեն»: Մանրամասները՝ տեսանյութում.