«Կարո Եղնուկյանի ընտանիքի նկատմամբ հաշվեհարդար են տեսնում». Տիգրան Հայրապետյան (փաստաբան) (video)
Հայելի ակումբում Կարո Եղնուկյանի փաստաբան Տիգրան Հայրապետյանը առավել մանրամասն ներկայացրեց Եղնուկյանի գործով դատավարության ընթացքն ու մանրամասնեց, թե ինչու՞ են Կարո Եղնուկյանի նկատմամբ քաղաքական հետապնդում իրականացնում. «Եղնուկյանը վերջին երեք տարիներին հիմնել է հիմնադրամ, որի միջոցով իրավաբանական օգնություն է ցույց տվել ակտիվիստներին, քաղբանտարկյալների ընտանիքներին, ինչպես նաև Կարո Եղնուկյանը հայտարարել է արդեն, որ հանրապետության նախագահը ընդգծված վերաբերմունք ունի իր և իր ընտանիքի նկատմամբ»: Խոսելով Կարո Եղնուկյանի առողջական վիճակից՝ փաստաբանը նշեց, որ Եղնուկյանը հոգեբանի կարիք ունի և իրենք չեն ուզում օգտվել ՔԿՀ-ի հոգեբանի ծառայությունից. «ՔԿՀ-ն հոգեբան ունի, բայց մենք ուզում ենք մեր առաջարկած հոգեբանը աշխատի Կարո Եղնուկյանի հետ, որպեսզի ըստ Ստամբուլյան 2001թ.-ի արձանագրությունների, եթե մենք ուզում ենք հիմնավորել, որ անձի նկատմամբ խոշտանգումներ են կատարել, փաստաթղթավորման համար վերապատրաստում անցած հոգեբանը պետք է ներկա լինի…»: Մանրամասները՝ տեսանյութում.
Հետևեք մեզ Viber-ում
