Հրայր Թովմասյանն առաջադրվել է ՍԴ նախագահի պաշտոնում
ԱԺ-ում Սահմանադրական դատարանի նախագահի նշանակման հարցի քննարկմանը Ազգային ժողովի նախագահ Արա Բաբլոյանը հայտարարեց, որ Սահմանադրական դատարանի նախագահի պաշտոնում առաջադրել է Հրայր Թովմասյանի թեկնածությունը: ՍԴ նախագահի թեկնածու Հրայր Թովմասյանը հիշեցրեց, թե ՍԴ անդամ ընտրվելու ժամանակ առիթ է ունեցել նշելու, որ այն իր համար պատիվ է և պատասխանատվություն, իսկ ՍԴ դատարանի նախագահի դեպքում որքան պատիվն է բարձր, նույնքան պատասխանատվությունը՝ կապված պաշտոնի հետ: «Վստահ եմ, որ ՍԴ 7 անդամները ևս արժանի էին այստեղ կանգնած լինելու, բայց պատիվն ինձ է տված:Մեր աշխատանքը չի ենթադրում քաղաքական անելիքներ, ծրագրեր:ՍԴ նախագահի լիազորությունները նույնն են, ինչպես ՍԴ մյուս անդամներինն է՝ արդարադատություն իրականացնելուց զատ ապահովել ՍԴ բնականոն գործունեությունը, իսկ մնացածն այս կարգավորմանն ածանցյալ են:Դրա համար կարևոր է աշխատանքային մթնոլորտի ձևավորումը, որ յուրաքանչյուր աշխատակից հպարտ զգա, որ մասնիկն է այս համակարգի, երկրի համար ամենաբարդ խնդիրներից մեկի՝ Սահմանադրության գերակայության ապահովմանը: Ձեր կողմից նշանակվելու պարագայում կձգտեմ ապահովել Սահմանադրության գերակայությունը »,-ասաց նա :
Հետևեք մեզ Viber-ում
