Արթուր Սարգսյանն իրեն զոհաբերեց, որ մենք ապրենք ավելի լավ Հայաստանում. Անահիտ Թարխանյան
Ազատության հրապարակում այս պահին մեկնարկել է Հաց Բերող Արթուր Սարգսյանի հիշատակին նվիրված հանրահավք-երթը: «Հանուն Հայաստան պետության» ճակատի նախաձեռնած հանրահավքին ելույթ ունեցավ նաև Անդրիաս Ղուկասյանի կինը՝ Անահիտ Թարխանյանը: Ինչպես ասաց՝ Հաց Բերող Արթուր Սարգսյանն իրեն զոհաբերեց, որ մենք՝ հայաստանցիներս, ապրենք ավելի լավ Հայաստանում: «Արթուր Սարգսյանը ստիպեց մեզ հասկանալ, թե մեզանից ամեն մեկը ինչ պետք է անի մեր կյանքում: Ինձ բախտ վիճակվեց ծանոթանալ Արթուրի հետ: Այն սերը, այն ներողամտությունը, որ կար իր աչքերում: Ինքը սիրում էր յուրաքանչյուրիս: Շատ մեծ ցավ ապրեցի Արթուրի այս դժբախտ պատմությունից, նրա կյանքի պատմությունից: Շատ մեծ ցավ ապրեցի և , իհարկե, չէի կարող անտարբեր անցնել Արթուրի այս դժբախտ կյանքի պատմության կողքով: Եվ ինձ համար անհրաժեշտություն էր՝ արտահայտել իմ վերաբերմունքը, մյուս կողմից վեհացնել և նոր շունչ տալ Արթուրի արարքին, որը մեզանից յուրաքանչյուրի մեջ կա»,- նշեց Թարխանյանը: Նշենք, որ Հաց բերողի հուշարձանի էսքիզի հեղինակը Անահիտ Թարխանյանն է:
Հետևեք մեզ Viber-ում
