Ուշադրություն.ցրատահարության վտանգ կա
«Դեռ 15 օր առաջ զգուշացրել ենք, որ գյուղացիները ծխակույտերը պատրաստեն, քանի որ պետք է պատրաստ լինել հնարավոր ցրտահարությանը: Հայաստանում այս տարի, իսկապես, ցրտահարության վտանգ կա:Մեզնից հետո գյուղնախարարությունը եւս հասկացավ եւ հայտարարեց այդ մասին:Հնարավոր է խուսափել ցրտահարությունից, սակայն տարին ռիսկային է»,- լրագրողների ետ հանդիպմանը այսօր հայտարարեց «Ագրարագյուղացիական միավորում» ՀԿ նախագահ Հրաչ Բերբերյանը: «Հատկապես ծիրանենիների դեպքում 4-5 տարին մեկ բերքի անկում կարող է լինել: Կարծես թե, բնությունը ստիպում է, որ ծառը հանգստանա»,- ասաց Բերբերյանը: «Փետրվարի տեղումները փարատեցին մտահոգությունները, թե ջրի պակաս կլինի:Եթե ձնհալը հարթ անցնի, իսկ շեշտակի տաքացումը բերելու է շատ լավ ձնհալի, ապա խնդիր չի լինի: Թող բարի լինեն ջրատարները մաքուր պահեն եւ ջրամբարները կլցվեն: Այսօրվա ձյան ծածկույթը բավարար է ջրամբարները լցնելու համար: Եթե ջրամբարները չլցվեն, դա թամբալության հետեւանք է լինելու»,- անդրադառալով երաշտի հավանականությանը ասաց Բերբերյանը:
Հետևեք մեզ Viber-ում
