Կառավարությունը կփոխհատուցի վճարումները

Կառավարությունը պահուստային ֆոնդից 203,1 մլն դրամ հատկացրեց էլեկտրոնային առողջապահության համակարգին միանալու համար այն բուժհաստատությունների վճարումները, որոնք պետական պատվերի շրջանակում անվճար եւ արտոնյալ բուժծառայություններ են տրամադրում:Այս մասին տեղեկացրեց ՀՀ առողջապահության նախարար Լևոն Ալթունյանը, նշելով նաև, որ 100-տոկոսանոց սուբսիդավորում է նախատեսված պոլիկլինիկաների, ամբուլատորիաների եւ սահմանամերձ հիվանդանոցների համար, 70-տոկոսանոց սուբսիդավորում՝ բոլոր մարզային և մայրաքաղաքային հաստատությունների համար, որոնք պետպատվեր են կատարում եւ ունեն մինչեւ 100 մլն դրամի շրջանառություն, 50-տոկոսանոց՝ մայրաքաղաքի բուժհաստատությունների համար, որոնց ամսական շրջանառությունը 100 մլն դրամից ավելի է: