Հայաստանը պաշտոնապես տեղեկացրել է Թուրքիային

Հայաստանը պաշտոնապես Թուրքիային տեղեկացրել է հայ-թուրքական արձանագրությունների պաշտոնական չեղարկման որոշման մասին։ Այս մասին այսօր կառավարության նիստից հետո լրագրողների հետ զրույցում տեղեկացրեց ՀՀ արտաքին գործերի նախարարի տեղակալ Շավարշ Քոչարյանը։ «Նախագահի հանձնարարականով թուրքական կողմը տեղեկացվել է այդ մասին, և դա բխում է միջազգային իրավունքից»,- ասաց փոխնախարարը՝ հավելելով, որ հայկական կողմը հայտարարել է, որ միշտ էլ պատրաստ է բանակցությունների, հարաբերությունները կարգավորելուն՝ առանց նախապայմանների: