Միհրան Պողոսյանը չգոհացրեց Գևորգ Կոստանյանին
«Ճիշտ է, որ հարկադիր աշխատողն իր վատ աշխատանքի պատճառով ինքը փոխհատուցում տա և պետության համար չլինի ծանրաբեռնվածություն, բայց չափը չհստակեցնելու դեպքում՝ ծառայությունը կարևոր խնդրի առաջ կկանգնեցնենք։ Պետք է նշվի, որ չափը չի կարող գերազանցել ԴԱՀԿ նյութական խրախուսման և համակարգի զարգացման ֆոնդի գոյացված միջոցների 30 տոկոսը», - ԱԺ պետաիրավական հանձնաժողովի նիստում հայտարարեց ՀՀԿ-ական պատգամավոր Միհրան Պողոսյանը:
«Եթե տուգանքն ամբողջությամբ հատկացվի միայն բյուջեից, ապա ծառայությունն օրենքով սահմանված իր իրավունքներն կյանքի կոչել չի կարողանա:Եթե սահմանափակում չդնենք, ապա ծառայությունն էլեմենտար գործողություններ չի կարող անել», - նշեց պատգամավորը :
Հետաձգել հարցի քննարկումը, վերամշակել և հետո քննարկել,նման առաջարկով հանդես եկավ հանձնաժողովի նախագահ Գևորգ Կոստանյանը:
«Մոտեցումը հասկանալի է բոլորի համար, բայց պետք են վիճակագրական տվյալներ և հիմանվորումներ։ Կարծում եմ՝ մենք ունենք այդ հնարավորությունը, որոնք կհիմնավորեն բարձրաձայնված թվերը», - նշեց Պողոսյանը։
«Արտաբյուջետային ֆոնդ ունենալը պետք է պատճառաբանված լինի։Հիմա չէ, բայց առհասարակ ես խնդիր եմ բարձրացնելու՝ արտաբյուջեատային հաշիվների անհրաժեշտության և հինավորման հետ կապված։ Այս օրենքի կոնտեքստում սա դեռևս չենք քննարկի, բայց հեղինակին առաջարկում ենք, որպեսզի այս կարագավորումների հիմնավորումները լինեն պատշաճ։ Լրամշակեք ու նոր ներկայացրեք», - առաջարկեց Կոստանյանը։
«ԴԱՀԿ-ի համար այդ հարցին այլ տեսանկյունից պիտի նայել, որովհետև այդ ծառայության ծախսերի 35 տոկոսն է բյուջեից տրամադրվում, մինչդեռ համաձայնեց հետաձգել հարցի քննարկումը։ԴԱՀԿ-ն սպեցիֆիկ է։ Դու երբեք չես կարող իմանալ, թե որքան գործ կլինի ու դրա հետևանքով է արտաբյուջեն ձևավորվում։ Պետությունը չի կարող պլանավորել, թե որքան գործ, վարույթ կհարուցվի ծառայությունում։ Սրանով է պայմանավորված արտաբյուջեի խստագույն անհրաժեշտությունը։ Բայց ինչպես դուք ասացիք՝ սա այսօրվա քննարկելու հացը չէ, համաձայն եմ հետաձգել հարցը», - ասաց նա։
Հետևեք մեզ Viber-ում
