«Գերագույն գլխավոր հրամանատարի պաշտոնի լավագույն թեկնածուն Սերժ Սարգսյանն է». Թաթուլ Մանասերյան (video)

«Մենք հիմա առաջին հերթին ընտրում ենք Հայաստանի գերագույն գլխավոր հրամանատար»-, այսօր Հայելի ակումբում ասաց տնտեսագետ Թաթուլ Մանասերյանը: Տնտեսագետը համոզված է, որ բոլոր նրանք, ովքեր ուզում են այլ մարդ տեսնել վարչապետի պաշտոնում, պետք է փաստերով հիմնավորեն՝ ո՞վ պետք է փոխարինի Սերժ Սարգսյանին. «Չեմ ասում այլընտրանք չկա, բայց, եթե որևէ մեկը ուզում է այլըտրանք, թող բարի լինի հիմնավորի: Երբ տեսնում ենք, որ այս պայմաններում մենք ընտրում ենք գերագույն գլխավոր հրամանատար, ապա իմ ընտրությունը միանշանակ է՝ եղած քաղաքական ներկապնակից Սերժ Սարգսյանն ինձ համար առավել ընդունելի թեկնածու է»: Թաթուլ Մանասերյանը ենթադրում է, որ բոլոր այն քաղաքական ուժերը, որոնք լռում են, գիտակցում են, որ իրենց քաղաքական հայացքներից զատ, այս հարցում Սերժ Սարգսյանն է առավել հարմար թեկնածուն. «Հասարակությունը հիվանդ չէ, աա քաղաքական ուժերի խնդիրն է: Հիվանդության նշաններ հասարակությունը չունի, կա պասիվություն,իսկ մարդիկ, ովքեր իրենց տեսնում են այդ պաշտոնին, թող առաջադրվեն» : Առավել մանրամասն՝ տեսանյութում.