Նվեր տիկնոջը. Բալասանյանի ունեցվածքը

«Փաստ» օրաթերթը գրում է. «ՀՀ Գյումրի համայնքի ղեկավար Սամվել Բալասանյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ 2017 թ. տարեկան հայտարարագիրը: Բալասանյանը հայտարարագրել է միայն դրամական միջոցներ ու եկամուտներ: Այսպես՝ նրա դրամական միջոցները կազմել են 2 միլիոն 200 հազար դրամ եւ 12 հազար 100 ամերիկյան դոլար: Սա 2017թ. վերջին ունեցած տվյալներն են: Տարեսկզբին նա ունեցել է 2 միլիոն 700 հազար դրամ ու 12 հազար 500 ԱՄՆ դոլար:

Տարեկան եկամուտները կազմել են 3 միլիոն 707 հազար դրամ ու ստացվել 3 միլիոն 552 հազար դրամ աշխատավարձից ու 155 հազար դրամ կենսաթոշակից: