Մխիթարյանը՝Ուոթֆորդի հետ խաղում գոլի և գոլային փոխանցման հեղինակ/տեսանյութ/

Պրեմիեր լիգայի 30-րդ տուրում Լոնդոնի «Արսենալը» «Էմիրեյթս» ստադիոնում ուժերը չափեց «Ուոթֆորդի» հետ: Խաղն ավարտվեց Արսեն Վենգերի գլխավորած թիմի հաղթանակով` 3:0: Խաղի հաշիվը 8-րդ րոպեին բացեց Շկոդրան Մուստաֆին: 59-րդ րոպեին Հենրիխ Մխիթարյանի փոխանցումից հետո Պյեր-Էմերիկ Օբամեյանգը շրջանցեց դարպասապահ Օրեստիս Կարնեզիսին և գրավեց մրցակցի անպաշտպան դարպասը: Րոպեներ անց «Ուոթֆորդը» չկարողացավ կրճատել հաշվի տարբերությունը. նշանակված 11 մետրանոցից վրիպեց Տրոյ Դինին: 77-րդ րոպեին Պյեր-Էմերիկ Օբամեյանգի փոխանցումից հետո գոլի հեղինակ դարձավ Հենրիխ Մխիթարյանը: Գոլից հետո Մխիթարյանն անմիջապես փոխարինվեց: