«Մեր գլխին փաթաթել են նոր նախագահ, լոնդոնաբնակ Արմեն Սարգսյանին». Կարապետ Ռուբինյան

Ազատության հրապարակում ընթացող հանրահավաքում ԱԺ նախկին փոխնախագահ, «Հանուն Հայաստան պետության» ճակատի անդամ Կարապետ Ռուբինյանը հայտարարել է, որ Հայաստանում տիրող հուսալքության, անելանելիության, անտարբերության ներկա հոգեվիճակը, անկասկած, հնարավոր է բարեշրջել։ «Մենք՝ Հայաստանի ներքոստորագրյալ քաղաքացիներս արձանագրելով, որ անկախ Հայաստանի հանրապետության հռչակումից արցախյան պատերազմի հաղթանակից հետո ՀՀ իշխանությունները ներդնելով ոչ ժողովրդավարական, ոչ լեգիտիմ Սահմանադրությամբ սահմանված կարգ, հետեւողականորեն ոչնչացնելով հանրային եւ անհատական ազատությունները, սոցիալական արդարությունը, սիկ արտաքին հարաբերություններում հիմնական ուղղություններում ամբողջովին զիջելով ինքնիշխանությունն օտար ուժերին, արդեն իսկ Հայաստանը կանգնեցրել են գաղութացման վերջնական կործանման շեմին: Արտագաղթը, որպես այդ քաղաքականության հետեւանք, զրկում է Հայաստանին եւ Արցախին ոչ միայն բնականոն զարգացման հեռանկարից, այլեւ նվազագույն անվտանգություն ապահովելու կարողությունից»,- ասել է նա: Նա ներկայացրել է ճակատի հռչակագիրը՝ նշելով, որ ժողովրդի վզին փաթաթեցին նոր Սահմանադրությունը, որն, իբրեւ հանրությունն է հանրաքվեով հաստատել. «Մեր գլխին փաթաթել են նոր նախագահ, լոնդոնաբնակ Արմեն Սարգսյանին: Ի դեպ, ՀՀ-ն երեւի բացառիկ է, այս պահին մենք ունենք երկրի 2 նախագահ, 2-ն էլ ժողովրդի կողմից չընտրված, 2-ն էլ ոչ լեգիտիմ»: