Ծրագիր, որն ուզում էր ՀՅԴ-ն իրագործել Հայաստանում Շահումյանի կորստից հետո

Շահումյանի կորստից որոշ ժամանակ անց Զվարթնոց օդանավակայանի մաքսատան պետն ինձ զեկուցեց, որ Աթենք մեկնող, իրենց դաշնակցական համարող երկու ուղեւորի մոտ հայտնաբերվել են մեծ թվով փաստաթղթեր, որոնք ինչ-որ բանակցությունների մասին են: Ես հանձնարարեցի զբաղեցնել այդ երկուսին եւ պատճենահանել այդ փաստաթղթերը: Որոշ ժամանակ անց այդ պատճեններն ամբողջությամբ իմ սեղանի վրա էին: Պարզվեց, որ դրանք Մոսկվայում ՀՅԴ-ական գործիչների բանակցությունների նյութեր էին, ՀՅԴ բյուրոյին ուղղված հաշվետվություններ եւ այլն: Հատկանշական էր, որ դրանցից շատերը վերջանում էին <փող ուղարկեք> դաշնակցական հայտնի պահանջով, որը ժամանակին հայ երգիծական գրականության նյութ էր դարձել: Ծանոթանալով այդ փաստաթղթերին ես հասկացա, որ գործ ունեմ երկրի ղեկավարության թիկունքում իրականացվող դավադիր գործունեության հետ: Ընդ որում ՀՅԴ-ն մոսկովյան իր բանակցությունները վարում էր 90-ական թվականների սկզբի ռուս ամենահետադիմական եւ կասերապաշտական ուժերի հայտնի ներկայացուցիչների հետ: Թեմաներն առնչվում էին Հայաստանում տիրող քաղաքական այն փխրուն իրադրությանը, որը ժամանակավորապես առաջացավ 92-ի ամառային ռազմական ձախողումների ընթացքում: Ես հակված չեմ մանրամասնություննրի անցնել, բայց չեմ կարող չնշել, որ խոսքը գնում էր հայ-ռուսական <բարեկամություն> էլ ավելի սերտացնելու, հայաստանյան ռուսամետ հակահհշական ուժերին օգնելու, նրանց նպատակադրություններն իրականացնելու մասին: Սա համարենք նախաբան այն ծրագրի, որն ուզում էր ՀՅԴ-ն իրագործել Հայաստանում Շահումյանի կորստից հետո: շարունակելի Այս մասին գրել է Երջանիկ Աբգարյանը