«Կարո՞ղ ա դպրոցի տնօրենն աշխատաժամից դուրս դառնում է Ձյունանուշիկ». Գ. Պետրոսյան

ԱԺ պետական-իրավական և մարդու իրավունքների պաշտպանության հարցերի մշտական հանձնաժողովի նիստում, «Հանրաքվեի» մասին նախագիծ քննարկման ժամանակ ԱԺ «Ծառուկյան» խմբակցության պատգամավոր Գևորգ Պետրոսյանը նախ հարցրեց, թե ընտրական մշակույթի առումով առաջադիմական ի՞նչ նորույթ է պարունակում նախագիծը, քանի որ եթե թիրախային խնդիրների հետ կապված փոփոխություն չկա, մնացածը դիզայնի համար է: Ըստ նրա՝ նախընտրական քարոզչության ընթացքում, «հիմնական ընտրակեղծարարության, խախտումների բեռը, ցավոք սրտի, դրված է մանկավարժական կադրերի վրա, մինչդեռ օրենքն արգելում է»։ «Ինչպես գործող ԸՕ-ում, այնպես էլ այս նախագծում, արգելվում է քարոզչություն անել ուսումնական հաստատությունների մանկավարժներին, բայց իրականությունն այլ է: Մենք շատ լավ գիտենք, որ նախընտրական քարոզչության ընթացքում խախտումներն, ընտրակեղծարարությունը մանկավարժական կադրերի վրա են դրված: Նրանք ընդհանրապես չպետք է մասնակցեն քարոզչությանը: Դասատուները, տնօրենները կանչում են աշակերտների ծնողներին՝ պատճառաբանելով, որ աշխատաժամանակից դուրս ա եղել: Բայց, շատ ներողություն, ես, դուք, որևէ մեկդ, աշխատաժամանակից դուրս դադարո՞ւմ ենք պատգամավոր լինել, կարո՞ղ ա տնօրենն աշխատաժամից դուրս դառնում է Ձյունանուշիկ: Նա իր նույն ազդեցությունը պահպանում է ծնողների նկատմամբ ու ոչ մի ծնող էլ չի ցանկանա շեղվի տնօրենի ցուցումներից»,-հայտարարեց պատգամավորը: