Բանավեճ հանձնաժողովի նիստում. ովքեր են էպիկենտրոնում

ԱԺ պետաիրավական հարցերով մշտական հանձնաժողովում հարցի քննարկման ժամանակ Արդարադատության նախարար Դավիթ Հարությունյանն առաջարկում է փոխել Քրեական դատավարության օրենսգրքի 135-րդ հոդվածի 2-րդ մասի 2-րդ պարբերությունը: Սակայն հանձնաժողովի նորընտիր նախագահ Գևորգ Կոստանյանի ու Դավիթ Հարությունյանի միջև թեժ բանավեճ տեղի ունեցավ: ԱԺ պետաիրավական հարցերով մշտական հանձնաժողովում հարցի քննարկման ժամանակ Հարությունյանը նշեց, որ փոփոխության համաձայն՝ կալանավորումը մեղադրյալի նկատմամբ կարող է կիրառվել նաև այն դեպքում, երբ մեղադրյալի կողմից էականորեն կամ պարբերաբար խախտվել են իր նկատմամբ կիրառված խափանման միջոցի պայմանները, և կան բավարար հիմքեր՝ ենթադրելու, որ այդ խափանման միջոցի կիրառումը կամ խափանման այլ միջոց կիրառելն այլևս բավարար չեն նրա կողմից սույն հոդվածի առաջին մասով նախատեսված որևէ գործողության կատարումը կանխելու համար: Նախարարը նշեց, որ հաշվի են առնվել ԵԱՀԿ-ի կողմից մշակված նախապայմանները, որոնք հիմք պետք է հանդիսանան կալանքը կիրառելու համար, սակայն օրենսգրքում փոփոխություններ ու լրացումներ կատարելու մասին կառավարության նախագծին, հանձնաժողովը բացասական եզրակացություն տվեց: Հանձնաժողովի նախագահ Գևորգ Կոստանյանն առաջարկեց բացասական եզրակացություն տալ նախագծին՝ սուր քննադատության ենթարկելով նախագծի որոշ դրույթներ: