Սերժ Սարգսյանն անփոխարինելի է.Սուրիկ Խաչատրյան
Սպարապետ Վազգեն Սարգսյանի ծննդյան օրը, «Եռաբլուր» պանթեոն էր այցելել նաև Սյունիքի նախկին մարզպետ Սուրիկ Խաչատրյանը,ով լրագրողների հետ զրույցում անդրադարձավ քաղաքական խնդիրներին. «Իհարկե, կյանքն է ապացուցել: Այս 30 տարիներն ապացուցել են, որ նա իսկապես անփոխարինել է:ՀՀ 4-րդ նախագահ Արմեն Սարգսյանն ունի շատ մեծ կապեր դրսերի հետ, շատ մեծ ինտելեկտի տեր անձնավորություն է: Կարծում եմ՝ իր ունեցած կապերը, հնարավորությունները կնպաստեն մեր երկրին »,-ասաց նա:
Շատերը նշում են, որ հնարավոր պատերազմի դեպքում մեզ անհրաժեշտ են Վազգեն Սարգսյանի նման լիդերներ, հարցրեցին լրագրողները : «Այսօր շարունակվում է այն ծրագիրը, որը նախատեսել էր Վազգեն Սարգսյանը: Այսօր էլ Վազգեն Սարգսյանի տեսակը կա: Նրա ընկերները պատրաստակամ են, պատերազմն ինչքան էլ սկսի, չեմ կարծում, որ մեր ժողովուրդը մտահոգվելու խնդիր ունի: Մենք պատրաստ ենք պատերազմին դիմակայելու եւ սահմաններն ամուր պահելու: Այսօր ունենք հզոր բանակ, պատրաստակամ երկրապահ, տղաներ, որոնք պատրաստ ենք: Մենք պատերազմից չպետք է վախենանք: Պատերազմը մեզ համար պետք է լինի այնքան սովորական: Մեր ազգն իր ակնունքներից սկսած մինչեւ էսօր միշտ էլ պատերազմի մեջ է եղել: 2016-ի ապրիլյան պատերազմից հետո ավելի պատրաստ ենք պատերազմի, քանի որ ամեն պահի կարող են անակնկալներ լինել »:
Հետևեք մեզ Viber-ում
