Արմեն Սարգսյանը բացասական իմաստով հավասարվեց իր նախորդներին

Այսպիսով՝ Հայաստանի Հանրապետության 4–րդ նախագահի պաշտոնում ընտրվեց Արմեն Սարգսյանը. Ազգային ժողովը ձայների 90 կողմ, 10 դեմ 1 անվավեր ձայների հարաբերակցությամբ կատարեց ընտրություն: Արարողակարգը տեղի ունեցավ առանց այլընտրանքի։Կոալիցիոն՝ ՀՀԿ և ՀՅԴ 65 պատգամավորների կողմից որպես ՀՀ չորրորդ նախագահ առաջադրված Արմեն Սարգսյանին կողմ է քվարկել նաև Ծառուկյան դաշինքը, դեմ է եղել Ելք խմբակցությունը: Հայաստանի անկախության պատմության մեջ Արմեն Սարգսյանը դարձավ 4-րդ նախագահը՝ Լևոն Տեր-Պետրոսյանից, Ռոբերտ Քոչարյանից և Սերժ Սարգսյանից հետո: Բայց նա այս շարքում առաջինն էր, ով նախագահի պաշտոնը ստացավ առանց նախընտրական ծրագրի ու ընտրողների համակարանքի համար մղված պայքարի: Հայ հասարակությունն այդպես էլ չիմացավ, ինչ մոտոցումներ և լուծումներ ունի Արմեն Սարգսյանը Հայաստանի պետական-ազգային շահերից բխող կարևորագույն հիմնախնդիրների, օրինակ Արցախի հարցի, հայ-թուրքական կամ հայ-ռուսական հարաբերությունների,  ԵԱՏՄ և ԵՄ շրջանակում Հայաստանի օրակարգի, տնտեսական և ներքին խնդիրների կարգավորման վերաբերյալ: Որքան էլ որ նոր նախագահը սահմանադրությամբ շատ մեծ լծակներ չունի, այնուամենայնիվ՝ նա ի պաշտոնե Հայաստանի Հանրապետության խորհրդանիշն է և պետք է որ կարևորոգույն խնդիրների վերաբերյալ իր մոտեցումներն ունենա, որպեսզի հասարկությունն էլ նրան, որպես նախագահի, կարողանա գնահատել և կերպարի նկատմամբ վերաբերմունք ձևավորել: Միակ բանը, որը պաշտոնական տեսքով ներկայացրել է Արմեն Սարգսյանը, որպես նախագահի թեկնածու, ԱԺ-ում ունեցած ելույթն է, որը որպես փաստաթուղթ անգամ տեքստային տարբերակով չհրապարակվեց: Երեկ Արմեն Սարգսյանը եզրափակիչ ելույթում խոստացել է  արդարացնել կոալիցիոն գործընկերների  մաղթանքները. «Իսկապես ամեն ինչ կանեմ, որ լինեմ ձեր բոլորի պատկերացրած նախագահը, ազնվորեն ծառայեմ և իմ՝ համեստ իմաստով փորձառությունը, եռանդը և նվիրվածությունը բերեմ մեր այս մեծ պետությանը, որովհետև իմ համար այս փոքրիկ հայրենիքը մեծ պետություն է»,- հայտարարել է Արմեն Սարգսյանը: Սարգսյանի այսպես կոչված նախընտրական ելույթը զերծ էր  քաղաքական մեսիջներից չկային մոտեցումներ և սկզբունքներ: Շատ ավելի հիասթափեցնող էր Արմեն Սարգսյանի հարցուպատասխանի  հատվածը, հատկապես նրա չփաստարկված և անհամոզիչ պատասխանները Միացայլ Թագավորության քաղաքացիության հետ կապված: Ստեղծված անլուրջ  տպավորությունը, թե Արմեն Սարգսյանն անգամ չի հիշում, թե երբ է ստորագրել Միացյալ Թագավորության քաղաքացիությունից հրաժարվելու դիմումը, որևէ քննադատության չի դիմանում: Ըստ էության նա չկարողացավ հիմնավորել, որ համապատասխանում է ՀՀ սահմաադրությամբ նախագահին ներկայացվող պահանջներին, մինչդեռ կանխատեսելի էր, որ խորհրադարանում նման ճակատային հարցադրումներ լինելու են: Ընդհանուր առմամբ լուրջ քաղաքական պրեսինգի Արմեն Սարգսյանը պատրաստ չէր, թեպետ այդ պրեսինգը կարող էր շատ ավելի շուրջ լիներ, եթե ԵԼՔ-ի պատգամավորներին միանային նաև օրինակ Ծառուկյան դաշինքի ներկայացուցիչները: Ինչևէ, ընտրության գործընթացը Արմեն  Սարգսյանի քաղաքական կերպարի վրա դաջվեց  ոչ լեգիտիմ նախագահի  պիատկը, որով նա բացասական  իմաստով հավասարվեց իր նախորդներին: Հայկ Դավթյան