Ես ոչինչ չեմ արել, որի համար ամաչեմ.Հրայր Թովմասյան
«Հայտարարում եմ, որ վերջակետ եմ դնում որպես քաղաքական գործիչ կարիերային, որքան էլ, որ դա ցավալի լինի», -Ազգային ժողովում հայտարարեց «Հանրապետական» խմբակցության պատգամավոր Հրայր Թովմասյանը: «Հաճելիորեն զգացված է այդ ամենի համար։ Ես իմ կենսագրության մեջ ոչինչ չեմ արել, որ իմ կյանքում դրա համար ամաչեմ, ես չեմ արել ոչինչ, որ իմ խղճի հետ ես երբևէ կռիվ ունենամ», - անդրադառնալով գործընկերների ելույթներին, ասաց Հրայր Թովմասյանը: « Ազգային ժողովի դահլիճում կա մի համախմբվածություն՝ բոլորը համակարծիք են մի հարցի շուրջ, որ Սահմանադրականության գերակայության ապահովումը ու արդարադատության որակի բարձրացումը Հայաստանի առջև ծառացած տասնյակ խնդիրների լուծման բանալին է։ Ես վստահեցնում եմ, որ ջանք ու եռանդ չեմ խնայի, ես կներդնեմ իմ ողջ ներուժը, իմ գիտելիքները մեր երկրում այս խնդիրների լուծման ապահովման համար», - ասաց նա։
Հետևեք մեզ Viber-ում
