Պոլիկլինիկայում պետպատվերի ուղեգրեր չկան. հաշմանդամ հիվանդներն ահազանգում են
«Հայկական ժամանակ» թերթը գրում է. «Լոռու մարզի Վանաձոր քաղաքի բնակիչներից ահազանգել են «ՀԺ»-ի խմբագություն՝ նշելով, որ պոլիկլինիկաներում չկան պետպատվերով բուժման ուղեգրի ձևաթղթեր, և իրենք ստիպված են անորոշ ժամանակով սպասել, մինչև որ հնարավորություն ստանան անհրաժեշտ բուժօգնության համար հիվանդանոց դիմելու: Ավելի ուշ տեղեկացանք, որ խնդիրն առկա է նաև Տավուշի մարզում, և մարդիկ, չնայած իրավունք ունեն բուժվել պետպատվերով ու անվճար, ստիպված դիմում են վճարովի բժշկական օգնություն ստանալու համար: ՀՀ առողջապահության նախարարության լրատվական ծառայությունից նշեցին, որ խնդիրը տեխնիակական է և կապված է տարեսկիզբ լինելու հետ: Հավաստիացրին, սակայն, որ դա չի նշանակում, թե արդեն երկու ամիս պոլիկլինիկաները պետպատվերով բուժօգնության ուղեգիր չեն ունեցել, և երկու ամիս հիվանդները սպասում են: Նախարարությունից մանրամասնեցին, որ ամեն տարի համաձայն «Գնումների մասին» օրենքի, իրականացվում է ուղեգրերի տպման գործընթաց: Մարզերում նախորդ տարվանից ունեցած ձևաթղթերը վերջացել են»: Մանրամասն՝ թերթի այսօրվա համարում:
Հետևեք մեզ Viber-ում
