«Ծառուկյան» խմբակցությունը կարևոր հարցերում պաշտպանում է իշխանությանը
«Ժողովուրդ» թերթը գրում է. ««Ծառուկյան» խմբակցությունը թեև գործում է ընդդիմադիր դաշտում, անգամ անխնա քննադատում կառավարությանը, սակայն կարևոր հարցերում պաշտպանում է իշխանություններին: Այդպես եղավ նաև ԱԺ-ում ՀՀ նախագահի ընտրության գործընթացի հետ կապված, երբ նրանք հայտարարեցին կոալիցիայի առաջադրած թեկնածուին՝ Արմեն Սարգսյանին կողմ քվեարկելու մասին: Երեկ «Ժողովուրդ» օրաթերթի հետ զրույցում, սակայն, այս խմբակցության պատգամավոր Սերգեյ Բագրատյանն ասել է. «Եթե մենք անաչառ ենք մեր հարաբերություններում, մեր վերաբերմունքում, եղել են բազմաթիվ անգամներ, երբ մեր առաջարկություններն ընդունել է ՀՀԿ-ն, ընդունել է ընդդիմադիր «Ելք»-ը, և մենք չպետք է դա համարենք կաշկանդող հանգամանք: Այսինքն՝ բազմաթիվ հարցեր կան, որ բոլոր քաղաքական ուժերը կոնսոլիացվում են: Սա չի նշանակում, որ մենք համագործակցում ենք քաղաքական կարևորագույն հարցերի ուրջ»: Նա նաև պնդել է. «Մենք հանրային ցավալի սխալ ընկալում ունենք: Տպավորություն կա, թե ընդդիմություն նշանակում է քարերով հարվածել իշխանությանը: Դա ամենևին այդպես չէ»: Մանրամասն՝ թերթի այսօրվա համարում:
Հետևեք մեզ Viber-ում
