«Ազատություն ծռերին».«Երկիր Ծիրանին» ԱԱԾ-ի մոտ է/տեսանյութ/
«Երկիր ծիրանի» կուսակցությունն այսօր բողոքի ակցիա է անցկացնում Ազգային անվտանգության ծառայության շենքի դիմաց՝ պահանջելով բացահայտել Մարտի 1-ի ոճրագործությունը: Բողոքի ակցիա իրականացնողները իրենց հետ տարբեր գրություններով պաստառներ են բերել՝ «Ազատություն ծռերին», «Մարտի 1-ի սպանություններ. բռնակալությանը չենք ներելու», ինչպես նաև սյուրռեալիստական պատկերներով պաստառ՝ «Դժոխքի երաժշտության Հայաստանում» գրությամբ: Տեղում ոչ մեծաթիվ ոստիկանական ուժեր կան: «Երկիր Ծիրանիի» անդամներին ոստիկանները հորդորել են ԱԱԾ շենքի դիմացի մայթին հավաքվել: «Երկիր ծիրանի» կուսակցության անդամները՝ կուսակցության նախագահ Զարուհի Փոստանջյանի գլխավորությամբ կգնան Ալեքսանդր Մյասնիկյանի արձանի մոտ՝ հարգանքի տուրք մատուցելու 2008 թվականի մարտի 1-ի զոհերի հիշատակին:
Հետևեք մեզ Viber-ում
