Մարդ չի կարող իրեն երջանիկ զգալ,եթե աղքատ է.Արմեն Սարգսյան

ԱԺ ամբիոնից ՀՀ նախագահի թեկնածու Արմեն Սարգսյանը հայտարարում է,որ ի գործունեության արդյունքում   խոստանում է անհանդուրժող լինել արատավոր երևույթների հանդեպ և պայքարել անընդունելի երևույթների դեմ, մասնավորապես, կոռուպցիային։ Ըստ Արմեն Սարգսյանի՝ հնարավոր չէ զարգանալ և առաջ շարժվել, երբ հասարակությունը միասնական չէ, եթե իրավական համակարգը հասարակության առջև հաշվետու չէ: Ըստ նրա, անհանդուրժողականության այլընտրանքը երկխոսությունն է; «Անարդարության, խաբեության, կեղծիքի, կոռուպցիայի հանդեպ պետք է անհանդուրժող լինենք, պետք է թույլ չտանք, որ այդ վիճակը խաթարի մեր միասնությանը»,-ասաց նա: Ըստ Սարգսյանի՝ կարևոր է պայքարը անընդունելի երևույթների նկատմամբ: «Կոռուպցիան ազդեցություն ունի մեր կյանքի բոլոր ոլորտների վրա, մարդու իրավունքը դարձնում է առքուվաճառքի առարկա»,-շեշտեց նա: Նախագահի թեկնածուի համոզմամբ՝ անհրաժեշտ է քաղաքական կամք՝ գնահատելու ու ամրագրելու կառավարության վերջին տարիների բարեփոխումները: Արմեն Սարգսյանը կարևորեց քաղաքացիական հասարակության դերը ՀՀ ժողովրդավարության գործում։ «Քաղաքացին, ոչ միայն ընտրությունների կամ սոցիալական սուր հարցեր բարձրացնելիս պիտի արթնանա, այլ քաղաքացիական ակտիվ դիրքորոշումը պետք է դրսևորի ամենօրյա կյանքում՝անարդարության դեմ անհանդուրժողականությամբ», - նշեց նա։ Արմեն Սարգսյանն ընդգծեց նաև, որ սոցիալական արդարության պահանջը հասարակության զգայուն մասերից մեկն է. «Մարդ չի կարող իրեն երջանիկ զգալ աղքատության պայմաններում։ Ստեղծված իրավիճակի արմատական փոփոխությունը բոլորիս պարտքն է», - ասաց նա՝ հավելելով, որ երազում է, որպեսզի ՀՀ-ն դինամիկ զարգացող ինտելեկտուալ երկիր դառնա։