Արտագաղթ, մարդկանց չես կարող արգելել ճանապարհորդել. Արմեն Սարգսյան

«Ուղիղ 10 տարի առաջ մեր ժողովուրդը ծանր մարտահրավերի բախվեց, որի ընթացքում ծանր կորուստներ ունեցանք։ Գիտեմ, որ ԱԺ-ն մարտի 1-ի զոհերի հիշատակն այսօր հոտնկայս հարգել է։ Ես ուզում եմ իմ հարգանքի տուրքը մատուցել այս իրադարձության զոհերի հիշատակին», -  ՀՀ նախագահի թեկնածու Արմեն Սարգսյանն ԱԺ-ում իր ելույթը սկսեց՝ մարտի 1-ի զոհերի հիշատակը հարգելով։ «Ինձ արվեց առաջարկ, որը հնրավորություն է տալիս ներդրում ունենալ մեր երկրի խնդիրները լուծելու համար: Սա ինձ համար մեծ պատիվ է եւ մեծ պատասխանատվություն՝ հաշվի առնելով այս, որ մենք թեւակոխում ենք զարգացման մի նոր փուլ»: Արմեն Սարգսյանը շնորհակալություն հայտնեց ՀՀԿ-ին և ՀՅԴ-ին՝ իրեն առաջադրելու, «Ծառուկյան» խմբակցությանն ու Գագիկ Ծառուկյանին՝ իր թեկնածությանն աջակցելու, իսկ «Ելքի»-ին՝  կոնստրուկտիվ ու պրոֆեսիանալ քննարկումնների համար։ Արմեն Սարգսյանը իր խոսքում նշեց, որ ՀՀ-ն այսօր ունի բանակ, որը իր չափանիշներով չի զիջում եվրոպական երկրների զինված ուժերին: «Սակայն այդ երկրներում բյուջեն բազմամիլիարդ է, սակայն մենք կրում են այդ բեռն արժանապատվության: 26 տարիները մեծ հաղթանակի տարիներն են: Մենք զգացիք հաղթանակի քաղցր համը: Մեր պետությունն այսօր ավելի հզոր է, ավելի հարուստ, բայց նաեւ բեւեռացած, ունենք աղքատություն, սոցիալական անհավասարություն  Կա սահմանադրական փոփոխություններ, որոնք պատմական են»,- ասաց Արմեն Սարգսյանը: Խոսելով արտագաղթի մասին, Արմեն Սարգսյանն ասաց.«Մարդիկ տեղափոխվում են մի տեղից մյուս տեղը: Արտագաղթ, մարդկանց չես կարող արգելել ճանապարհորդել, գնալ մի տեղից մյուսը: Մեր դեպքում արտագաղթը գերակշռում է ներգաղթին:  Սա լրջագույն խնդիր է: Քաջալերման կարիք կա, քանի որ մեր գյուղերը կարոտ են: Պետք է լինի հարկային, վարկային արտոնություններ, ազգային ծրագրեր, բարեգործություն: Սահմանամերձ գյուղերը կարոտ են նման ուշադրության:Պետք է սոցիալական արդարություն լինի, պայքար կոռուպցիայի դեմ»,- ասաց Արմեն Սարգսյանը: Նա ընդգծեց, որ պետությունը իրավական ու սոցիալական կարող է դառնալ, երբ իրական երաշխիքներ կապահովվեն՝ «մարդը բարձրագույն արժեք է» սահմանադրական սկզբունքի կենսագործման համար: «Սա նշանակում է ապահովել մարդու իրավունքների և ազատությունների հարգման, վերահսկաման, պաշտպանության հատուկ գործող կառուցակարգեր, բարձրացնել իրավական մարմինների պատասխանատվությունն ու հաշվետվողականությունը հասարակության առջև, սոցիալական կյանքի բոլոր ոլորտներում կիրառել օրինականության, ժողովրդավարության, հրապարակայնության, օրենքի առջև բոլորի հավասարության, մարդասիրության և արդարության սկզբունքները։ Հարկավոր է բարձրացնել հանրության վստահությունը արդարատատության մարմինների նկատմամբ», - նկատեց նա։